Umwe mu bahatanira Miss RDC yibasiwe azira amagambo yavuze

Yanditswe na Munyengabe Murungi Sabin
Kuya 6 Nzeri 2016 saa 04:08
Yasuwe : XX
0

Abantu batandukanye ku mbuga nkoranyambaga bakomeje kwibasira umwe mu bakobwa bahatanira ikamba rya Nyampinga wa Repubulika Iharanira Demokarasi ya Congo (Miss RDC 2016) azira kuvuga ko umuzungu arusha umwirabura ubwenge.

Ubwo abakobwa umunani bahatanira iri kamba bari mu biganiro mpaka ku kibazo kijyanye n’abimukira, umwe muri bo witwa Dorcas Dienda yarihanukiriye avuga ko abantu b’uruhu rwera barusha abirabura ubwenge kandi ko bose babizi bityo kubivuga bidakwiye gufatwa nk’ikizira.

Jeune Afrique yatangaje ko aya magambo yavuzwe na Dienda mu cyumweru gishize yateje impagarara n’umwuka mubi muri RDC aho abantu benshi babinyujije ku mbuga nkoranyambaga bamushinje ivanguraruhu.

Umuhanzi witwa Alesh yahise yandika kuri Facebook ko uyu mukobwa agomba gukurwa mu marushanwa mbere y’uko asozwa ku itariki 10 Nzeri 2016.
Yanahise atangiza hashtag #DorcasDiendaOut kuri Twitter isaba ko uyu mukobwa adakomeza kugaragara mu irushanwa ry’abakobwa bazatoranywamo Nyampinga w’Igihugu.

Nyuma yo kubona ko ibyo yavuze byababaje benshi, Dienda yashyize hanze andi mashusho agerageza kwisobanura no gusaba imbabazi.

Yongeye ariko kuba iciro ry’imigani ubwo mu kwisobanura kwe yavuze ko icyo yashakaga kugaragaza ari uko kuba abazungu ari inyaryenge cyane ari byo byabahaye umurongo w’ubukoloni no kurema ikarita ya Afurika.

Dorcas Dienda yibasiwe bikomeye aryozwa amagambo yavuze

angel@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza