Umusogongero wa filime ivuga ubuzima bw’umuraperi 2Pac

Yanditswe na Munyengabe Murungi Sabin
Kuya 14 Nzeri 2016 saa 03:35
Yasuwe : XX
0

Ibikorwa by’umuraperi Tupac Amaru Shakur ntibizasibangana mu mitwe ya benshi mu bamukunze, kuri uyu wa 13 Nzeri abakunze uyu muraperi bibutse imyaka 20 ishize arasiwe mu Mujyi wa Las Vegas ubwo yari avuye mu gitaramo.

Benny Boom yakoze filime yise “All Eyez on Me” ivuga ku muziki wa 2Pac n’ubuzima yanyuzemo haba mu buhanzi kugeza mu minsi ya nyuma yicwa.

Igice cya kabiri cy’umusogongero w’iyi filime cyagiye hanze, kirimo abakinnyi bakomeye barimo Demetrius Shipp, Jr. [ukina mu kigwi cya Tupac] n’abandi barimo Danai Gurira[ukina ari nyina wa 2Pac], Lauren Cohan, Jamie Hector, Jamal Woolard, Kat Graham , Stefon Washington na Annie Ilonzeh.

Iyi filime yayobowe na Benny Boom yandikwa n’abahanga mu bya sinema Ed Gonzalez na mugenzi we Jeremy Haft. Yatwaye akayabo k’amadolari miliyoni 45 ikazajya hanze bitarenze impera z’uyu mwaka wa 2016.

Ku isabukuru y’amavuko ya 2Pac yabaye muri Kamena 2016 nibwo hasohotse igice cya mbere cy’umusogongero w’iyi filime itegerejwe n’abiganjemo abakunze uyu muraperi n’ibihangano bye mu gihe yari ku Isi na nyuma yo kwitaba Imana.

Muri iyi filime kandi bagaruka ku mibanire n’ibibazo by’urudaca byagiye biba hagati y’abaraperi bo muri East Coast na West Coast.

Byinshi kuri Demetrius Shipp Jr ukina nka 2Pac muri iyi filime


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza