Kwamamaza

Umuririmbyi ukomeye Mandoza yitabye Imana

Yanditswe kuya 19-09-2016 saa 09:22' na Remesha Jr.


Umuhanzi wamamaye mu njyana ya Kwaito muri Afurika y’Epfo, Mduduzi Tshabalala [Mandoza] yitabye Imana ku myaka 38 y’amavuko, icyahitanye ubuzima bwe ntikiramenyekana neza.

Mandoza yapfuye ku gicamunsi cyo kuri iki Cyumweru tariki ya 18 Nzeri 2016, umuvugizi w’umuryango we yemeje ko uyu muhanzi yaguye mu bitaro nyuma y’uko yari yajyanweyo mu gitondo maze nyuma y’amasaha make ashiramo umwuka.

News24 itangaza ko Mandoza yari amaze icyumweru kimwe avuye mu bitaro ndetse ngo ubuzima bwe bwari butangiye kumera neza, yari arwaye ikibyimba ku bwonko gusa ngo abo mu muryango we bari batangiye kugira icyizere ko agiye gukira.

Mandoza ni umwe mu bahanzi bakomeye muri Afurika y’Epfo watwaye ibihembo bitabarika ku bw’umuziki akora mu njyana ya Kwaito [ijya kumera nka Hip Hop]. Yamamaye cyane kubera album yise “9II5 Zola South” yasohotse mu 1999.

Iyi album yahawe ibihembo birimo icya FNB South African Music Awards ndetse mu gihe yasohokaga yacurujwe kopi zirenga ibihumbi ijana.

Mu mwaka wa 2000 yasohoye indi album yise Nkalakatha, iyi nayo yabonye ibihembo byinshi ndetse yayoboye intonde z’indirimbo zakunzwe muri Afurika y’Epfo igihe kinini.

Uyu muhanzi yaherukaga kugaragara mu ruhame mu cyumweru gishize mu gitaramo cyari cyabereye kuri Orlando Stadium i Soweto.

Yakoze album zakunzwe zirimo:

• 1999 9II5 Zola South
• 2000 Nkalakatha
• 2000: Nkalakatha (The Boss Remixes)
• 2001: It’s All Right- with Tokollo and Kabelo
• 2002: Godoba
• 2003: Tornado
• 2004: S’gelekeqe
• 2004: Same Difference - (with Danny K)
• 2005: Phunyuka Bamphethe
• 2006: Ngalabesi
• 2007: Champion
• 2008: Ingwenya
• 2010: Real Deal
• 2011: So Fresh
• 2013: Sgantsontso


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved