Kwamamaza

Umuririmbyi Pallaso arashakishwa na Polisi ya Uganda

Yanditswe kuya 13-09-2016 saa 09:14' na Remesha Jr.


Umuhanzi Pius Mayanja [Pallaso] arashakishwa na Polisi ya Uganda agashami gakorera ahitwa Katwe, akurikiranyweho icyaha cyo gukubita no gukomeretsa ushinzwe umutekano.

Ikinyamakuru The New Vision gitangaza ko Pallaso ashakishwa na Polisi ya Uganda ndetse agomba kwitaba kuri station ya Katwe aho yarezwe n’ushinzwe umutekano ko yamuhohoteye akanamukubita amusanze mu kazi.

Icyaha Pallaso akurikiranyweho ngo yagikoreye mu gace ka Namuwongo mu Mujyi wa Kampala mu minsi ishize ubwo yari agiye mu kiganiro kuri Radio Dembe FM. Pallaso ngo yageze aho iyi Radio ikorera umugabo ushinzwe umutekano witwa Wambede amubwira ko agomba kubanza gusakwa mbere yo kwinjira undi arabyanga.

Ushinzwe umutekano kuri Radio yabwiye Pallaso ko bitari bimukundire ko yinjira bataramusaka undi akoresha ingufu ari nabwo yamukubise aranamukomeretsa.

Isaac Katende, umunyamakuru wari watumiye Pallaso yumvise hanze barwana yahise atabara yunamura uyu muhanzi wakubitaga ushinzwe umutekano bajya mu kiganiro undi na we ajya kuri Polisi gutanga ikirego.

Michael Odur ukurikirana dosiye ya Pallaso kuri station ya Katwe yagize ati “Turashakisha Pallaso, naramuka yanze kwitaba tuzamushakisha tumufate afungwe.”

Pallaso yaherukaga gukubita ushinzwe umutekano mu ntangiriro z’uyu mwaka ubwo yashakaga kwinjira mu rugo rwa Radio na Weasel.

Pallaso ni we washinze label yitwa Team Good Music

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved