Umuhungu wa Madonna amaze amezi abiri muri gereza azira urumogi

Yanditswe na Munyengabe Murungi Sabin
Kuya 25 Ugushyingo 2016 saa 11:45
Yasuwe :
0 0

Umuririmbyi Madonna ashyigikiye bikomeye umuhungu we w’imfura Rocco Richie umaze amezi abiri afunzwe nyuma yo gufatanwa urumogi, yasabye itangazamakuru ‘kwirinda inkuru zisagarira umuryango.’

Rocco Richie imfura ya Madonna na Guy Richie yafatiwe mu Mujyi wa Londres kuwa 28 Nzeri 2016, polisi yamusanganye urumogi ihita imuta muri yombi gusa byagizwe ibanga rikomeye ibinyamakuru ntibyapfa kubimenya.

Inkuru y’uko Rocco Richie amaze igihe afunzwe yatangajwe bwa mbere na TMZ muri iki cyumweru. Iki kinyamakuru cyavuze ko umuryango wahishe aya makuru mu kwirinda ko ‘uyu mwana yakorwaho inkuru zimugaragaza nabi n’izibuza umudendezo umuryango’.

Madonna yavuze ko ashyigikiye umuhungu we ndetse ko azamufasha kwigobotora uburoko, yasabye itangazamakuru ryo ku Isi “kubaha umuryango we no kwirinda inkuru zica igikuba”.

Mu itangazo ryanyuze muri Associated Press, Madonna yasobanuye ko itabwa muri yombi rya Rocco Richie “ari ikibazo kireba umuryango”. Yongeyeho ati “Nkunda cyane umuhungu wanjye, nzakora ibishoboka byose muhe ubufasha bwose azakenera. Ndabasaba kuduha ituze muri iki gihe.”

Ibiro bya polisi yataye muri yombi Rocco w’imyaka 16, bwemeje ko bumufite ndetse ko ubu ari gukurikiranwa n’ikigo cyita ku rubyiruko ruba rwarishoye mu byaha akaba agomba guhabwa amasomo amuca ku ngeso yo gukoresha no gukwirakwiza ibiyobyabwenge.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244