Umugabo wa nyina wa Kim Kardashian yatutswe bikomeye azira kwihinduza igitsina

Yanditswe na IGIHE
Kuya 15 Gicurasi 2017 saa 08:07
Yasuwe :
0 0

Umugabo wa kabiri wa nyina wa Kim Kardashian yakorewe ihohotera rikomeye ubwo yari asohotse mu birori byo gutanga ibihembo ku batinganyi n’abihinduje igitsina, byabereye mu Bwongereza mu Mujyi wa London kuwa 12 Gicurasi 2017.

Caitlyn Jenner[ubusanzwe wahoze witwa Bruce Jenner] yatutswe bikomeye n’umwe mu bafotozi bari hanze y’inyubako yabereyemo ibirori byo gutanga ibihembo bya LGBT Awards. Uyu musore yabwiye Caitlyn Jenner amagambo mabi yiganjemo kumushinyagurira no kumubwira ko yayobye kuko ngo ‘ntaho byabaye kubona umugabo wiyambuye ubugabo’.

Ikinyamakuru The Sun gitangaza ko inzego zishinzwe umutekano by’umwihariko Polisi yo mu Bwongereza yahise itangira gukurikirana uyu mufotozi kugira ngo aryozwe icyaha akurikiranyweho cyo gutukana mu ruhame.

Caitlyn Jenner yatutswe ubwo yari asohotse mu nyubako ya Grand Connaught Rooms iri rwagati mu Mujyi wa London. Uyu mufotozi ngo yakurikiranye Caitlyn Jenner agenda amwuka inabi anamubwira amagambo nyandagazi kugeza yinjiye mu modoka ye. Uyu musore kandi ngo yanateye Caitlyn Jenner ikintu mu maso.

Muri ibi bihembo, Caitlyn Jenner yatahanye igikomeye nk’umugabo wihinduje igitsina agahinduka umugore ndetse akemera kubitangaza mu buryo bweruye. Umwe mu baganiriye na The Sun yagize ati “Caitlyn yagize ibihe byiza muri ririya joro, yabonye igihembo ku buryo abantu bose bamwishimiye cyane. Yagize ibihe byiza ariko aza guhohoterwa ubwo yasohokaga.”

Caitlyn Jenner aherutse gutukwa ubwo yari yitabiriye ibi birori bya LGBT Awards

Caitlyn Jenner yihinduje igitsina aba umugore muri Mata 2015, yanahise ava ku izina rya Bruce Jenner afata iry’abagore. Bikimenyekana ko ashaka kwihinduza umugore,byabanje gutungura abana be, birabatangaza ndetse biranababaza cyane ubwo yasohokaga mu kinyamakuru cya InTouch afite isura y’abagore, ariko nyuma baje kumva byifuzo bye ndetse baranamushyigikira.

Bruce Jenner[Caitlyn ] ubu witwa ni umugabo wa kabiri wa Kristen Mary Jenner bakaba barabyaranye abana babiri Kendall na Kylie Jenner.

Bruce Jenner na nyina wa ba Kardashian batandukanye muri 2013 gusa muri Nzeri 2016 bari bagishakisha impapuro zibemerera kubona gatanya buri wese agaca inzira ze.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244