Kwamamaza

Umubyinnyi wa Rihanna amaze iminsi itatu aburiwe irengero

Yanditswe kuya 25-10-2016 saa 08:53' na IGIHE


Umugore witwa Shirlene Quigley wari umubyinnyi wabigize umwuga amaze iminsi igera kuri itatu aburiwe irengero, inzego z’umutekano z’aho avuka no mu Mujyi wa New York zikomeje kumushakisha.

Shirlene Quigley yari umubyinnyi ukomeye wakoranaga bya hafi n’umuhanzi Rihanna ndetse na Beyonce. Uyu mugore yabyiniraga cyane Rihanna gusa yakoranye n’abandi bahanzi barimo Missy Elliot na Jamie Foxx.

Mu gihe inzego z’umutekano zikomeje gushakisha Shirlene Quigley w’imyaka 32, Rihanna na we yanditse kuri Instagram asaba abafana be miliyoni 45 ko bamufasha gushakisha umubyinnyi we ndetse ko uwaba azi amakuru y’aho aherereye yabimenyesha polisi.

Yanditse agira ati “Iyi roho nziza yanahoze ari umubyinnyi wanjye yaburiwe irengero!! […] Niba hari umuntu waba yaramubonye cyangwa afite amakuru kuri Shirlene Quigley ndamwinginze nabimenyeshe polisi yo muri North Bergen.”

Shirlene Quigley ukomoka mu gace kitwa North Bergen muri New Jersey, yakoranye na Rihanna mu bitaramo bitabarika nk’umubyinnyi we w’imena. Yanagaragaye mu mashusho y’indirimbo ye yitwa ’S.O.S.’.

NBC New York itangaza ko umuntu wabonye Shirlene byari mu gicuku cyo kuwa Gatandatu ubwo yari ku muhanda i New York ateze imodoka. Nyuma yo kumenya ko ashobora kuba yarabuze Polisi yakoze iperereza igenza aho yanyuze hose iza kuvumbura telefone ye mu iduka yagezemo bwa nyuma mbere y’uko abantu bamubura.

Uyu mubyinnyi amaze iminsi itatu aburiwe irengero

Brad Quigley, umubyeyi wa Shirlene yavuze ko umuryango uhangayitse ku bwo kuba utazi ibibazo umwana wabo yagize. Ngo mbere y’uko aburirwa irengero nta muntu n’umwe wo mu muryango yigeze ahamagara cyangwa ngo amumenyeshe amakuru ye.

Mu minsi mike ishize Shirlene Quigley yari umwarimu wigishaga ababyinnyi mu kigo cyitwa Peridance Capezio Center ndetse na Broadway Dance Center cyo mu Mujyi wa Manhattan.

Yari asanzwe ari umutoza w'ababyinnyi ukomeye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved