Kwamamaza

Taylor Swift yatandukanye n’umugabo wa cyenda

Yanditswe kuya 7-09-2016 saa 09:05' na Remesha Jr.


Taylor Swift na Tom Hiddleston bamaze gushyira akadomo ku rukundo rwabo rumaze amezi atatu rugurumana, ku myaka 26 uyu mukobwa amaze gutandukana n’abasore icyenda mu myaka umunani ishize.

TMZ itangaza ko aba bombi bafashe umwanzuro wo gutandukana nyuma y’uko basanze badahuza muri byose mu mezi atatu bari bamaze bakundana.

Tom na Taylor Swift batangiye gukundana muri Kamena 2016 nyuma y’ibyumweru bitatu byari bishize uyu muhanzi atandukanye na Calvin Harris. Yatandukanye na Calvin Harris bari bamaranye amezi 15 bakundana.

Ikinyamakuru US Weekly gitangaza ko Taylor na Tom batandukanye nyuma y’uko mu byumweru bibiri bishize bagaragaye i New York bishimanye ubona nta kibazo bari basanzwe bafitanye.

People Magazine ivuga ko Taylor Swift na Calvin Harris batandukanye ku bwo guhora bahigana ubutwari mu mafaranga binjiza. Taylor yinjije miliyoni ijana muri 2015 mu gihe umusore bakundanaga yabaye umu Dj wa mbere ku Isi mu binjije menshi muri 2015 gusa yasaruye miliyoni 66 z’amadolari.

Mu ijoro ryo kuwa 21 Kamena 2016, Taylor Swift yitabiriye igitaramo inshuti ye Selena Gomez yakoreye ahitwa Nashville’s Bridgestone Arena. Uyu mukobwa wakunzwe mu ndirimbo ‘Bad Blood’ yari afatanye agatoki ku kandi n’umukunzi mushya witwa Tom Hiddleston. Kuva ubwo kugeza ubu ntibasiganaga mu birori bikomeye bitabiraga no gusohokera ahantu hahenze bishimana.

Taylor Swift na Tom batandukanye bamaranye amezi atatu

Taylor Swift w’imyaka 26 n’Umwongereza Tom Hiddleston wa 35, bagitangaza byeruye ko bakundana, babwiye E!News ko bwari ubwa mbere baryohewe n’urukundo kurusha indi myaka yabayeho.

Tom Hiddleston abaye umugabo wa cyenda Taylor Swift atandukanye na we kuva mu mwaka wa 2008.

Abagabo bazwi Taylor amaze gukundana na bo:

- Joe Jonas (Nyakanga 2008 – Ukwakira 2008)
- Lucas Till (2009)
- John Mayer (Kanama 2009 – Ugushyingo 2009)
- Taylor Lautner (Ugushyingo 2009 – Gashyantare 2010)
- Jake Gyllenhaal (Ukwakira 2010 – Ukuboza 2010)
- Conor Kennedy (Nyakanga 2012 – Ukwakira 2012)
- Harry Styles (Ukuboza 2012 – Mutarama 2013)
- Calvin Harris (Werurwe 2015 – Kamena 2016)
- Tom Hiddleston(Kamena 2016-Nzeri 2016)

Umunsi wa mbere bimenyekana ko bakundana...
Taylor na Tom bari baherutse gutangaza ko baryohewe n'urukundo kurusha indi myaka
Urukundo rwabo rwarangiye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved