Taylor Swift, umuherwe wa mbere mu byamamare bitarengeje imyaka 30

Yanditswe na Munyengabe Murungi Sabin
Kuya 16 Ugushyingo 2016 saa 08:46
Yasuwe :
0 0

Umuhanzi Taylor Swift yaje ku mwanya wa mbere mu byamamare bifite imyaka munsi ya 30 byinjije amafaranga menshi mu mwaka wa 2016.

Ikinyamakuru Forbes Magazine cyasohoye urutonde rw’abahanzi, abakinnyi ba ruhago, Tennis, Basketball n’indi mikino, abakina filime n’abandi mu byiciro binyuranye binjije amafaranga menshi kurusha abandi.

Taylor Swift w’imyaka 26 yabaye uwa mbere na miliyoni 170 z’amadolari. Yarushije miliyoni 60$ itsinda rya One Direction ryaje ku mwanya wa kabiri[iri rigizwe n’abaririmbyi bane]. Aba bahanzi binjije miliyoni 110 z’amadolari mu mezi cumi n’abiri ashize.

Lionel Messi, rutahizamu wa Barcelona na Argentina, yaje ku mwanya wa gatatu inyuma ya Taylor Swift na miliyoni 81.5 z’amadolari.

Kuri uru rutonde hajeho abagore bane gusa, batatu muri bo , batatu muri bose babonetse mu myanya itanu ya mbere. Adele yinjije miliyoni 80.5 z’amadolari, Rihanna we yinjije 75 z’amadolari.

Jennifer Lawrence, umukinnyi wa filime uherutse kuza imbere mu bakina filime i Hollywood winjije amafaranga menshi, yaje ku mwanya wa 12 na miliyoni 46.

Taylor Swift ayoboye abakiri bato binjije amafaranga menshi muri 2016

Umuhanzi muto kuri uru rutonde ni Justin Bieber waje ku mwanya wa gatandatu na miliyoni 56 z’amadolari mu gihe The Weeknd amuri inyuma na miliyoni 55 z’amadolari.

Abasigaye mu myanya icumi ya mbere ni abakinnyi ba tennis, basketball n’indi mikino ikunzwe ku Isi barimo Kevin Durant uri ku mwanya wa munani naho mugenzi we Jordan Spieth aza ku mwanya wa cumi.

Irindi tsinda ry’abacuranzi ryaje kuri uru rutonde[uretse One Direction] ni iryitwa Bigbang[rigizwe na G-Dragon, T.O.P, Taeyang, Daesung, na Seungri] ryo muri Koreya y’Amajyepfo.

Lionel Messi ari ku mwanya wa gatatu inyuma ya Swift
Itsinda rya One Direction riri ku mwanya wa kabiri na miliyoni 110
The Weeknd na we yaje mu myanya icumi ya mbere
Bigbang nabo baje kuri uru rutonde

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza