Kwamamaza

Tanzania yatoye Nyampinga nyuma y’imyaka ibiri leta ihagaritse iri rushanwa(Amafoto)

Yanditswe kuya 31-10-2016 saa 07:52' na IGIHE


Igikorwa cyo gutora Nyampinga muri Tanzania cyongeye gusubukurwa nyuma y’uko ibihano bikarishye abaritegura bari bahawe byamaze koroshywa ndetse bakemererwa gukomeza iri rushanwa.

Mu mpera z’Ukuboza 2014 nibwo ikigo cy’igihugu gishinzwe ubuhanzi n’iby’umutungo mu by’ubwenge BASATA cyari cyahagaritse itorwa rya Nyampinga wa Tanzania n’ibindi byose bijyanye no gushakisha umukobwa uhiga abandi mu bwiza mu ngeri zinyuranye.

Iri rushanwa ryari ryahagaritswe mu gihe cy’imyaka ibiri kubera amanyanga yakozwe na Nyampinga watowe muri 2014 witwa Sitti Mtemvu yagaragayeho uburiganya no kubeshya imyaka ari nabyo byamuviriyemo kwamburwa ikamba.

Igikorwa cyo gutora Nyampinga wa Tanzania umwaka wa 2016 cyabaye mu ijoro ryo kuwa Gatandatu tariki ya 29 Ukwakira 2016, umukobwa witwa Diana Edward Lukumai wo mu Karere ka Kinondoni ni we wambitswe ikamba. Yarushaga ubumenyi no gutambuka neza bagenzi be bose.

Diana Edward Lukumai akimara gutorwa byatangiye guhwihwiswa ko atujuje imyaka y’amavuko kuko bamwe bashimangiraga ko afite imyaka iri munsi ya 18 kandi amategeko irushanwa rigenderaho atabyemera. Abategura Miss Tanzania baje gushyira hanze ibyemezo by’amavuko n’aho uyu mukobwa ageze yiga muri kaminuza bahinyuza abagize ingingimira.

Ibirori byo gutora Miss Tanzania 2016 byitabiriwe na Minisitiri w’Itangazamakuru, Umuco, Ubuhanzi n’Imikino Anastazia James Wambura.

Diana Edwary w’imyaka 20 yatowe mu birori byabereye mu Mujyi wa Mwanza. Yagaragiwe n’umukobwa witwa Maria Peter wabaye igisonga cya mbere ndetse na Grace Malikita wabaye igisonga cya kabiri cya Miss Tanzania 2016.

Uyu mukobwa ni we uzahagararira Tanzania muri Miss World 2016 izabera mu Mujyi wa Washington, DC.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved