Stromae na Davido bagiye gusohora indirimbo bahuriyemo

Yanditswe na Munyengabe Murungi Sabin
Kuya 22 Nzeri 2016 saa 12:23
Yasuwe : XX
101 58

Umuhanzi w’icyamamare muri Nigeria, David Adedeji Adeleke Davido yatangiye umushinga w’indirimbo yahuriyemo na Stromae Umubiligi ukomoka mu Rwanda.

Davido uherutse kwinjira mu bahanzi bafashwa na Sony Music yatangiye indirimbo azaba afatanyije na Stromae, izaba iri mu njyana ya Electronic music ivanze na funk.

Uyu muhanzi yifashe amashusho ari muri studio na Stromae mu Bubiligi aho amaze iminsi mu rugendo rw’akazi. Mu kwemeza ko agiye gusohora indirimbo yahuriyemo na Stromae, Davido yabyanditse kuri Twitter ari naho benshi mu bafana be babikuye batangira kubikwirakwiza.

Yanditse agira ati “Uyu munsi muri studio na Stromae […] Impano ye yanshimishije cyane.” Davido wakunzwe mu ndirimbo “Aye” afite indi ndirimbo nshya yise ‘How Long’ yahuriyemo n’Umunyamerikakazi Tinashe.

Davido agiye kuba umuhanzi wa mbere mu bagezweho muri Afurika Stromae agiye gukorana na we muri iki gihe, aba bahanzi bombi barakunzwe ndetse indirimbo zose baririmbyemo ziramamara cyane.

Stromae aheruka kuza i Kigali mu Kwakira 2015 aho yamurikiye album ye ‘Racine carrée’. Igitaramo yakoreye i Kigali cyari icya 209 mu rugendo rw’ibindi bitaramo yakoreye mu bihugu bitandukanye. Iyi album yayicurujemo kopi zisaga miliyoni eshatu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE