Selena Gomez amaze amezi umunani yivuza uburwayi yatewe no gukoresha Instagram

Yanditswe na Dusabimana Aimable
Kuya 18 Werurwe 2017 saa 02:33
Yasuwe :
0 0

Umuririmbyi Selena Marie Gomez uyoboye urutonde rw’ibyamamare bikurikiwe n’abantu benshi ku Isi kuri Instagram, yahishuye ko amaze amezi umunani yivuza uburwayi bw’umunaniro w’ubwonko yatewe no gukoresha urwo rubuga.

Selena Gomez yamenyekanye cyane biturutse ku kuba yarabaye umukunzi w’igihe kirekire mu bamenyekanye ba Justin Bieber, uyu mukobwa anazwi mu ndirimbo zakunzwe zirimo iyitwa ‘Come & Get It’, ‘The Heart Wants What It Wants’, ‘Same Old Love’, ‘Good for You’, ‘Kill Em with Kindness’ n’izindi zitandukanye.

Muri Kanama 2016 nibwo Selena Gomez yatangaje ko afashe ikiruhuko mu muziki kugira ngo yite ku buzima bwe, icyo gihe yavuze ko yari afite ibibazo by’uburwayi butuma yumva yihebye, kumva ahangayitse nta mpamvu ihamye ndetse no guhora afite umutima uhagaze.

Mu kiganiro cyihariye uyu muririmbyi yagiranye n’ikinyamakuru Vogue kivuga ku buzima bw’ibyamamare n’imibereho yabo, yagarutse ku mpamvu zatumye amara amezi umunani yarahagaritse umuziki ngo abanze yiyiteho agarure ubwenge ku gihe nyuma yo kunanizwa n’uburyo yakoreshagamo Instagram.

Yagize ati “Nkimara kuba umuntu ukurikiwe n’abantu benshi kurusha abandi ku Isi kuri Instagram, natangiye kugira umutima uhagaze, byarandenze, naryamaga nyiriho nkakanguka ari uko, nari narabaswe ndetse ntangira kugira ibyiyumviro by’uko nshobora kuba mbona ibyo ntari nkwiriye kuba mbona, ibyo ntashakaga kuba natekereza. Buri gihe byarangiraga niyumva nabi iyo nabaga ngerageje gufungura Instagram, ari nayo mpamvu ubu nabaye nyishyize ku ruhande.”

Iki kinyamakuru kivuga ko muri iki gihe Selena Gomez yashatse umuntu yizeye uzajya ukoresha Instagram ye ndetse ngo we ntazi n’umubare w’ibanga wayo mushya mu rwego rwo kuyirinda aho yanatangiye kuganirizwa n’inzobere zo mu bitaro biri mu Leta ya Tennesse byita ku bafite ibibazo bitandukanye byo mu mutwe.

Selena Gomez [usigaye akundana n’umuririmbyi The Weeknd] ni we muntu wa mbere ku Isi ukunzwe ku rubuga rwa Instagram, afite abamukurikira barenga miliyoni 113, umugwa mu ntege ni Ariana Grande na we wamaze kuzuza miliyoni ijana.

Selena Gomez yihaye ikiruhuko mu muziki ngo abanze yivuze uburwayi burimo n’ubwo yatewe no gukoresha Instagram
Selena Gomez ni we ukurikiwe na benshi kuri Instagram
Ifoto ya Selena Gomez anywa Coca Cola yaciye agahigo ko gukundwa kurusha izinda kuri Instagram muri 2016

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza