Sean Kingston yajyanwe mu nkiko kubera ubwambuzi

Yanditswe na Munyengabe Murungi Sabin
Kuya 30 Kanama 2016 saa 09:44
Yasuwe :
0 0

Umuririmbyi Kisean Marc Anderson [Sean Kingston], akurikiranwe n’inkiko kubera imirimbo(bijoux) yambitswe n’iduka ry’i New York yarangiza akanga gutanga ubwishyu.

Aqua Master, iduka ricuruza imirimbo i New York, ryamaze gushyikiriza urukiko ikirego riregamo uyu muhanzi ku bwo kutishyura amadolari 300,000 y’imirimbo n’ibikomo ryamwambitse mu mezi yashize akaryizeza amafaranga yarangiza ntayatange.

TMZ itangaza ko ifite kopi y’ikirego ubuyobozi bwa Aqua Master bwashyikirije urukiko aho buvuga ko Sean Kingston yabambuye yarangiza akabasiragiza bamwishyuza kugeza ubwo yabasinyije sheki itazigamiye.

Ubuyobozi bw’iri duka bwemeza ko, mu gihe cyose bwahaye uyu muhanzi ngo yisuganye abe yashaka aya mafaranga yagiye abasinyira sheki ariko bajya kubikuza amafaranga bagasanga nta kintu afite kuri konti. Ibi byose, ngo yabibakoze inshuro nyinshi mu bihe bitandukanye.

Mu mirimbo Sean King Ston yahawe harimo amasaha abiri y’igiciro, amashene ya zahabu, amashene abiri ya zahabu yambara mu ijosi, ibikomo bihenze n’imikufi ibiri ya diyama.

Umuvugizi wa Aqua Master yavuze ko iyi mirimbo bahaye Sean Kingston yanayishyize kuri Instagram yerekana abafana be ko amaze kugira ubutunzi bukomeye nyamara ngo byose ni amadeni yananiwe kwishyura.

Mu mwaka washize hari irindi duka ryo muri Florida ryareze Sean Kingston rimushinja ubwambuzi ku mikufi n’amasaha ahenze ryamuhaye nyuma akanga kwishyura. Umuvugizi w’uyu muhanzi yabwiye TMZ ko atumva impamvu menshi mu maduka avugira mu itangazamakuru ko Sean Kingston yabambuye.

Iyi mirimbo Sean Kingston yananiwe kuyishyura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza