Kwamamaza

Savvy Shields yambitswe ikamba rya Miss America 2017 (Amafoto)

Yanditswe kuya 12-09-2016 saa 10:46' na Remesha Jr.


Umukobwa witwa Savvy Shields wari uhagarariye Leta ya Arkansas yambitswe ikamba rya Miss America umwaka wa 2017 mu birori byabereye mu Mujyi wa Atlanta mu ijoro ryo kuri uyu wa 11 Nzeri 2016.

Miss Savvy Shields w’imyaka 21 asimbuye America Betty Cantrell wari usanganywe iri kamba. Yahigitse abakobwa 51 bari bahanganiye na we iri kamba, Shields yigaragaje nk’umuhanga udasanzwe haba mu gusubiza ibibazo no kwerekana impano buri wese afite.

Mu ibazwa, akanama nkemurampaka kabajije Miss Savvy Shields icyo avuga ku mukandida Hillary Clinton wiyamamariza kuyobora Leta Zunze Ubumwe za Amerika asubiza ko umuntu wese wifuza kuyobora Isi yigenga bisa kwitwararika.

Yagize ati “Iyo ushaka kuba umuyobozi w’Isi yigenga ikintu cyose uvuze cyangwa ukoze kigira agaciro, ibikorwa byawe byose bishyirwa ku rwego rukomeye.”

Yongeyeho ati “Abakandida bombi bakoze akazi gakomeye ariko bakeneye kwita cyane ku byo bari gukora.”

Nyuma yo kugirwa Miss America 2017, Shields w’imyaka 21 agomba guhita akomeza amasomo ye muri Kaminuza ya Arkansas aho ashaka kuminuza mu bijyanye n’ubugeni. Yavuze ko afite inzozi zo kuzaba umwarimu mu mashuri yisumbuye no gukora mu nzu ndangamurage.

Miss South Carolina Rachel Wyatt yabaye igisonga cya mbere mu gihe Miss New York Camille Sims yabaye igisonga cya kabiri. Igisonga cya Gatatu cyabaye umukobwa witwa Alicia Cooper wari usanzwe ari Miss Washington; naho Miss Mississippi Laura Lee Lewis agirwa igisonga cya kane.

Savvy Shields, Miss America 2017

Abakobwa babashije kugera muri 15 ba mbere harimo uwari uhagarariye: Kentucky; Washington; Massachusetts; Arkansas; South Carolina; Idaho; Iowa; Texas; California; Oklahoma; Maryland; New York; Tennessee; Louisiana na Mississippi.

Umutinganyi yatsinzwe…

Umukobwa witwa Erin O’Flaherty yari ahagarariye Leta ya Missouri muri Miss America 2017. Yahishuye ko ‘ari umutinganyi washakaga kwegukana iri kamba bizwi neza ko ateye atya agakora amateka adasanzwe’.

Imyaka 95 irihiritse irushanwa rya Miss America rikorwa, muri 2016 habaye amateka akomeye aho umwe mu bakobwa 51 bahatanye yavuze byeruye ko aryamana n’inkumi bahuje igitsina.

Miss Erin O’Flaherty yageze mu bakobwa 15 babashije kugera ku cyiciro cya nyuma cyatoranyijwe Miss America gusa nta kamba yatahanye nk’uko yari abyiteze.

Bigitangazwa ko abaye Miss America
Miss Savvy Shields w’imyaka 21 asimbuye America Betty Cantrell
Miss Savvy Shields yari ahagarariye Arkansas
Miss Savvy Shields yahize abandi mu gusubiza ibibazo neza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved