Rita Ora yitabiriye ibirori yambaye imyenda yo muri douche bivugisha benshi (Amafoto)

Yanditswe na Dusabimana Aimable
Kuya 14 Ugushyingo 2017 saa 11:27
Yasuwe :
0 0

Umuririmbyi Rita Ora uri mu bamaze igihe bigaragaza muri Leta Zunze Ubumwe za Amerika, yatunguranye mu birori bya MTV EMAs yiyerekana ku itapi itukura yambaye umwenda bajyana mu bwogero.

Rita Sahatçiu Ora ni umwe mu baririmbyi bakunzwe muri Leta Zunze Ubumwe za Amerika, yamenyekanye bwa mbere biturutse ku ndirimbo yitwa "Hot Right Now" ya DJ Fresh yumvikanyemo ijwi rye ikaba iya mbere mu Bwongereza.

Uyu muhanzi ni umwe mu bakomeye bitabiriye ibirori bya MTV EMAs byabaye mu mpera z’icyumweru ndetse aranabiyobora. Mbere y’uko bitangira ibyamamare bitandukanye ku itapi itukura, we ahifotoreza yambaye ikanzu yo mu bwogero na ’Essuie-mains’ mu mutwe.

Ibi byavugishije benshi mu bitabiriye ibyo birori byabereye byabereye ahitwa SSE Arena, i Wembley mu Bwongereza, amafoto ye yahise akwirakwizwa cyane ku mbuga nkoranyambaga ndetse avugwaho mu binyamakuru bitandukanye bikomeye mu bijyanye n’imyidagaduro n’ibivuga ku myambarire n’imibereho y’ibyamamare.

Uyu muhanzi wagiye ku rubyiniro nyuma y’umuraperi Eminem mu buryo busa nko gutebya, yavuze ko yiseguye ku bitabiriye ibirori bamubonye mu mwambaro bajyana kogana kuko ngo yahamagawe kubiyobora atararangiza kwitegura neza.

Imyambarire ya Rita Ora yavugishije benshi

Muri ibi birori ngarukamwaka bibera Burayi, hahembwe abahanzi batandukanye barimo Shawn Mendes, Zayn Malik, Dua Lipa, Camilla Cabello, Kendrick Lamar, Ed Sheeran, David Guetta, Coldplay, Eminem, Haillee Steinfeld, The Chainmokers, Fifty Harmony ndetse na Davido wahize abandi mu bakorera umuziki muri Afurika.

Rita Ora watunguranye agaseruka muri MTV Europe Music Awards yambaye ’Essuie-mains’ azwi mu ndirimbo zitandukanye zirimo "Body On Me" yakoranye na Chris Brown, "I Will Never Let You Down", "Lonely Together" "Your Song" ndetse n’iyitwa "Anywhere" itaramara igihe kinini isohotse.

Yigaragazaga nk'uwatunguwe no kwitabira ibi birori
Ibirori byatambutse imbonankubone kuri MTV
Rita Ora mu buryo busa nko gutebya yavuze ko yitabiriye ibirori atiteguye neza
Rita Ora na Shawn Mendes watwaye igihembo cy'umuhanzi w'umwaka muri MTV EMAs
Uyu muhanzi yishimiwe n'abitabiriye ibirori bya MTV EMAs bitewe n'imbaraga yagaragaje mu kuba umushyushyarugamba
Yatashye bamwambitse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza