Stallone arashinjwa guhatira akana kwemera ko basambana uwa batatu

Yanditswe na Dusabimana Aimable
Kuya 17 Ugushyingo 2017 saa 05:18
Yasuwe :
0 1

Sylvester Stallone wabaye icyamamare mu gukina filime benshi bazi nka ‘Rambo’, arashinjwa gushaka gusambanya umwana w’umukobwa w’imyaka 16 mu cyumba cya hoteli yo mu Mujyi wa Las Vegas.

Ibikorwa uyu mukinnyi w’ikirangirire muri sinema ku Isi ashinjwa, yabikoze muri Nyakanga 1986, bivugwa ko Stallone yateye ubwoba uwo mwana w’umukobwa abifashijwemo n’umurinzi we witwa Michael De Luca muri Hilton Hotel mu Mujyi wa Las Vegas.

Ishami ry’amakuru rya BBC ryitwa Pagesix ryatangaje ko muri icyo gihe Stallone wari ufite imyaka 40 yasabye umurinzi we De Luca kwifatanya na we ubwo yari ari gusambanya uwo mwana bigatuma abaregera polisi.

Uyu ushinja Stallone utatangajwe amazina ku bw’umutekano yabwiye Dailymail ko yabonye nta mahitamo akemera ko basambana uwa batatu.

De Luca wafatanyije na Stallone gusambanya umwana w’umukobwa yishwe muri 2013. Bivugwa ko we yamutegetse gushyira igitsina cye mu kanwa hanyuma akabona kumusambanya nyuma hagakurikiraho na Stallone.

Stallone yanashinjwe gukangisha uyu mukobwa ko nabivuga azamukubita mu mutwe amubuza kuzavuga ko yamusambanyije uwa batatu, arangije we na De Luca babihindura urwenya baraseka.

Uyu mukobwa icyo gihe yirinze kugira uwo abibwira kugeza ubwo polisi yamwishakiye agahitamo guhishura ibyo yari yaragize ibanga. Yabwiye inzego zishinzwe umutekano ko impamvu atigeze aregera ibyaha yakorewe ari uko yari afite ubwoba n’impungenge zo kugirirwa nabi.

Yavuze ko iyo aza kuryamana na Stallone gusa atari kuvuga ibyababaye ari ko yaje kubura amahitamo biturutse ku buryo yibukamo gusambanywa na we afatanyije n’umurinzi we.

Sylvester Stallone we yahise atera utwatsi aya makuru avuga ko ibyo ashinjwa gukora bitigeze bibaho. Umuvugizi w’uyu mukinnyi w’ikirangirire muri sinema, Michelle Bega, mu rwandiko yasohoye, yagize ati "Ntibyigeze bibaho, ibi ni ubusazi, inkuru ipfuye impande zose."

Yongeyeho ati "Nta muntu n’umwe wamenyeshejwe aya makuru kugeza avuzwe uyu munsi, harimo na Stallone. Nta nshuro n’imwe yigeze ahamagarwa n’inzego zishinzwe umutekano cyangwa undi muntu kuri iki kibazo."

Stallone yahakanye ibyo ashinjwa

Sylvester Stallone w’imyaka 70 y’amavuko yabaye ikirangirire mu mwuga wo gukina filime kuva mu 1970, azwi cyane mu yitwa ‘Rambo’ yasohotse mu bice bine kuva mu 1982, iya nyuma yayishyize ahagaragara muri 2008. Yafashije mu kuyobora ibice byose bya ‘Expendables’ anabikinamo.

Usibye kuba umukinnyi w’amafilime wamamaye ku Isi mu buzima busanzwe asanzwe ni n’umunyabugeni ukomeye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza