Radio yashinzwe na Mowzey Radio igiye gutangira kumvikana

Yanditswe na Munyengabe Murungi Sabin
Kuya 25 Ukwakira 2016 saa 08:00
Yasuwe :
0 0

Moses Ssekibogo Nakintije [Radio] uririmba mu itsinda rya Good Life agiye gushinga Radiyo ye bwite izajya ivugira mu Mujyi wa Kampala.

Mowzey Radio agiye gutangiza Radiyo nyuma y’uko mu mwaka washize bimwe mu bikorwa by’ubucuruzi yakoraga byahombye. Mu minsi ishize yagurishije akabari ke kari gaherereye ahitwa Wandegeya, icyo gihe itangazamakuru ryabivuze ukwinshi.

Radio wakunzwe mu ndirimbo “Neera” yabwiye Big Eye ko umushinga wa Radiyo yashinze uzatangira imirimo bitarenze impera z’ukwezi k’Ukwakira 2016. Iyi Radio yayise “Nevaland FM”, izatangira yumvikana ku murongo wa internet.

“Nevaland FM”, izajya yumvikanira ku rubuga rw’itsinda rya Good Life kuri Goodlyferecords.com, gusa itangazamakuru rivuga ko hari ibikoresho byayo biri mu rugo rwa Radio ahitwa Makindye ndetse ko nitangira kumvikana kuri FM izajya ikorera mu nzu ye.

Radio yemeje ko nta gihindutse iyi Radio izatangira imirimo yayo bitarenze impera z’iki cyumweru. Ati “Tugiye kumvikana mu gihe gito , Nevaland FM igiye gutangira akazi. Muzajya muyumva binyuze ku murongo wa internet.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza