Kwamamaza

Radio na Weasel bagejejwe mu rukiko rukuru rwa Kampala

Yanditswe kuya 19-09-2016 saa 14:39' na Remesha Jr.


Moses Sekibogo [Moze Radio] na Douglas Mayanja [Weasel] bagize itsinda rya GoodLyfe bahamagajwe n’urukiko rukuru rwa Kampala mu rubanza barezwemo na Jeff Kiwanuka bazira ko ‘bamushinje kujya mu bapfumu’.

Urukiko rukuru rwa Kampala rwandikiye Radio na Weasel rubasaba kwitaba mu gihe kitarenze iminsi cumi n’itanu babirengaho bagafatirwa ibihano bikarishye.

Aba bahanzi bombi bari bamaze iminsi bakurikiranywe n’urukiko rwa Makindye, baburanirwaga n’umwugangizi wabo mu mategeko witwa Mudde John Bosco. Mu iburanisha rya mbere Radio na Weasel baratsinzwe ndetse bategekwa gusaba imbabazi uwo bahemukiye ariko banga kubikora.

Jeff Kiwanuka yajyanye ikindi kirego mu rukiko rukuru rwa Kampala avuga ko aba bahanzi bamusebeje ndetse babangamira inyungu avana mu kazi ke amaze imyaka 14 akora ateza imbere abahanzi.

Jeff Kiwanuka yajyanye aba bahanzi mu rukiko nyuma y’uko bashyize video kuri Facebook bamushinja amarozi no kujya mu bapfumu. Urukiko rwa Makindye rwakiriye ikirego cya Jeff kuwa 3 Kamena 2016.

Radio na Weasel baherutse kumvikana mu itangazamakuru rya Uganda bashinja Jeff ko ari umurozi ukomeye ndetse ugeze ku rwego rwo gutangamo igitambo bamwe mu nshuti ze ashakisha ubutunzi.

Ikinyamakuru Daily Monitor gitangaza ko Kiwanuka yifuza ko urukiko rwaca Radio na Weasel ihazabu ibumvisha uburemere bw’icyaha bakoze bityo ntibazagire undi muntu basebya nta kimenyetso na kimwe bashingiyeho.

Umwanditsi wungirije w’urukiko rukuru rwa Kampala, Alex Ajiji yatangaje ko aba bahanzi bahawe iminsi 15 yo kugaragaza ibimenyetso bibashinjura ndetse bakaba basabwe kwitegura kwitaba urukiko muri iyi minsi.

Radio na Weasel bagikorana na Jeff Kiwanuka bakoze indirimbo zamamaye cyane zirimo Nakudatta, Zuena na Bread and Butter bigeze mu mwaka wa 2013 baratandukana. Itandukana ryabo ryakurikiwe n’ibibazo bikomeye birimo intonganya z’urudaca, kurwana no gufungwa kubera amakimbirane bagiranaga.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved