Kwamamaza

R. Kelly agiye gukorera igitaramo gikomeye muri Namibia

Yanditswe kuya 18-10-2016 saa 12:27' na IGIHE


Umuririmbyi Robert Sylvester Kelly [R.Kelly] yatumiwe muri Namibia aho agomba kwitabira igitaramo gikomeye kizaba kuwa 25 Ugushyingo 2016 mu Mujyi wa Windhoek.

R.Kelly wakunzwe na benshi mu ndirimbo za RnB , yakanyujijeho mu myaka yatambutse muri "I Believe", Happy People”, "Africa", "All I Really Want", "All The Way" (feat. Kelly Rowland), "Anything Goes" (feat. Ty Dolla $ign) n’izindi nyinshi.

Yatumiwe mu gitaramo gisoza iserukiramuco rya ‘Windhoek Draught Live Music Festival’ kizabera kuri stade ya Hage Geingob. R.Kelly atumiwe nyuma y’uko hari abandi bahanzi bakomeye ku Isi bagiye bitabira iri serukiramuco barimo Boyz II Men, P-Square n’abandi.

Uruganda rwenga ibinyobwa rwa Namibia Breweries ni rwo rwatumiye R.Kelly muri iki gitaramo nk’uko byemejwe na Rosemary Shippiki ushinzwe iyamamazabikorwa n’itumanaho.

Yabwiye ikinyamakuru Namibian ko bazanye R.Kelly mu rwego rwo gukomeza kwereka Afurika ko ‘Umujyi wa Windhoek wamaze kuba igicumbi cy’imyidagaduro muri Afurika’ no kugabanya umubare w’abaturage bakunze kujya kwitabira ibitaramo hanze y’igihugu.

Yagize ati “Ikompanyi yacu yizeye ko igitaramo kizasiga urwibutso ku bakunda ibinyobwa byacu, bizaba birenze ibyakorwa n’amafaranga. Abaturage bamwe bo muri Namibia bakunze kujya muri Afurika y’Epfo n’ahandi bashaka kwitabira ibitaramo, ibyo twasanze bihombya igihugu duhitamo gushyiraho uburyo buzajya butuma babona ibyo bajya gushaka hanze batavuye ku butaka bwacu.”

"R" Kelly agiye kuririmbira muri Namibia nyuma y’iminsi mike avugwaho kuba mu rukundo n’umukobwa arusha imyaka 30 y’amavuko. Uyu muhanzi uharawe mu ndirimbo “Trapped in the Closet” yinjiye mu rukundo rweruye n’umukobwa witwa Halle Calhoun ufite imyaka 19 y’amavuko.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved