Nyina wa Radio yabwiwe ko azicwa niyanga gutaburura umurambo w’umwana we

Yanditswe na Munyengabe Murungi Sabin
Kuya 8 Gashyantare 2018 saa 08:43
Yasuwe :
0 0

Nyina wa Mowzey Radio yishinganishije mu nzego z’umutekano kubera abantu bataramenyekana bakomeje kumwotsa igitutu bamusaba gutaburura umurambo w’umwana we yabyanga akazicwa.

Chimpreports yatangaje ko umuryango wa Moses Sekibogo (Mowzey Radio), wamaze gutanga ikirego muri polisi, uvuga ko umaze guhamagarwa inshuro nyinshi n’abantu batazwi. Aba bantu basaba nyina wa Radio gutaburura umurambo we akawimurira ahandi byakwanga bakagurisha imwe mu mitungo yasize bakayigabana na bo.

Nyina wa Mowzey Radio witwa Jane Kasubo na murumuna we Eddy Ssembajwe, batanze ikirego nyuma y’iminsi ishize bahamagarwa n’aba bantu mu bihe bitandukanye bakabatera ubwoba ko ‘nibanga gukora ibyo babasabye na bo bazicwa’. Ssembajwe yavuze ko batangiye guterwa ubwoba guhera umunsi Radio yapfiriyeho.

Yagize ati “Abo bantu batangiye kuwa Kane w’icyumweru gishize ahagana saa yine n’igice[10.30am] ubwo umurambo wa Radio wari umaze kugezwa mu buruhukiro. Abo bantu bari kudusaba umugabane, ngo nitubyanga tuzagira ibibazo.”

Aba bantu bari gutera ubwoba uyu muryango ko bazagubwa nabi nibaramuka banze kugurisha imitungo ya Radio. Iteka iyo bahamagaye ngo babwira uyu muryango ko hari inzu n’indi mitungo bari bafatanyije n’umwana wabo.

Umuvugizi wa Polisi mu Mujyi wa Kampala, Luke Owesigyire yabwiye iki kinyamakuru ko bakiriye ikirego cy’umuryango wa Radio ndetse ko bamaze kohereza abapolisi bahagije ngo babe barinze imva y’uyu muhanzi n’umuryango we kugeza igihe ibibazo bizahosha.

Yagize ati “Nyina wa Radio yatubwiye iby’abo bantu bari kumutera ubwoba haba abaza kumureba n’abamuhamagara kuri telefone. Yavuze ko hari n’umugabo uvuga ko ari we se wa Radio ari na we uri gusaba ko umurambo watabururwa.”

Nyina wa Mowzey Radio witwa Jane Kasumba amaze iminsi aterwa ubwoba

Luke Owesigyire yasabye uyu mugabo guca mu nzira z’amategeko niba yifuza ko bamuha umurambo wa Radio aho gutera ubwoba uyu mugore.

Umuryango wa Radio wajyanye ikirego kuri station ya polisi ya Kajjansi, iyi niyo yatanze abapolisi bo kurinda imva y’uyu muhanzi waririmbaga muri Good Life.

Mowzey Radio yitabye Imana kuwa 1 Gashyantare 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza