Nyampinga yajyanywe mu nkiko n’abategura Miss Tunisie 2016

Yanditswe na Munyengabe Murungi Sabin
Kuya 28 Nzeri 2016 saa 01:07
Yasuwe :
0 0

Umukobwa witwa Souhir Ghadhab wari uhagarariye Umujyi wa Monastir mu matora ya Nyampinga wa Tunisie yajyanywe mu nkiko aryozwa gusebya umuyobozi w’ishyirahamwe ritegura irushanwa.

Miss Souhir Ghadhab yagiranye amakimbirane na Aïda Antar, Umuyobozi w’ikigo cyitwa Tej gitegura irushanwa rya Nyampinga wa Tunisie, nyuma y’uko yikuye mu irushanwa amushinja ikimenyane no gusinyisha abahatanira Miss Tunisie amasezerano amufitiye inyungu.

Uyu Nyampinga wari uhagarariye agace ka Monastir yikuye mu irushanwa avuga ko ‘adashobora kwizera ibizavamo’. Yasezeye avuga nabi abategura irushanwa ndetse yikoma bikomeye Umuyobozi w’ishyirahamwe ritegura Miss Tunisie.

Miss Souhir Ghadhab wiga ibijyanye na sinema no gukora kuri Televiziyo yanenze cyane uko amatora yo guhitamo abakobwa bageze mu cyiciro cya nyuma cya Miss Tunisie yagenze. Yavuze ko bitaciye mu mucyo ari nayo mpamvu yivanye mu irushanwa.

Miss Souhir Ghadhab agiye kujyanwa mu nkiko

Aïda Antar yabwiye ikinyamakuru Kapitalis ko ibyo Miss Souhir yatangaje ari ibinyoma bigamije gusenya irushanwa no kumwibasira bityo ko bagomba kumugeza imbere y’inkiko akaryoza ibyo yakoze.

Ibi bibazo bivuzwe muri iri rushanwa mu gihe habura amezi abiri ngo Nyampinga w’Igihugu atorwe. Abakobwa batoranyijwe guhatana mu cyiciro cya nyuma hasigayemo 15, uzatorwa azamenyekana mu birori bizaba kuwa 3 Ukuboza 2016.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza