Kwamamaza

Nyampinga wa Espagne yaba asigaye akundana na Cristiano Ronaldo

Yanditswe kuya 19-09-2016 saa 16:10' na Remesha Jr.


Nyampinga wa Espagne umwaka wa 2014, Desiré Cordero biravugwa ko ashobora kuba ari mu rukundo n’umukinnyi ukomeye ku Isi Cristiano Ronaldo, aba bombi bamaze igihe basohokana ibintu bitari bisanzwe hagati yabo.

Ikinyamakuru Corazón Czn cyatangaje ko gifite ibimenyetso bigaragaza ko gukururana kwa Cristiano Ronaldo na Desiré Cordero (Miss Espagne 2014) byakajije umurego mu kwezi gushize ari nabwo ibyo gukundana kwabo byatangiye kuvugwa cyane.

Miss Desiré Cordero w’imyaka 22 y’amavuko amaze igihe gito yimukiye mu Mujyi wa Madrid kugira ngo yegere hafi ya mugenzi we Cristiano, mu bihe byo kwishimisha kandi aba bombi ngo baba bari kumwe muri iyi minsi.

Uyu mukobwa kandi ngo amaze iminsi agaragara mu gace Ronaldo atuyemo ka La Finca[ gafatwa nka Beverly Hills] mu Mujyi wa Mdrid.

Miss Desiré Cordero yakundanye n’abasore batandukanye barimo Alvaro Hierro [umuhungu wa Fernando] ndetse na Enzo Renella [wahoze akinira ikipe ya Betis Seville].

Cristiano na Miss Desiré Cordero ngo basigaye bagaragaza cyane ko buri wese yita kuri mugenzi we byihariye kuko menshi mu mafoto uyu mukobwa ashyira kuri Instagram Ronaldo akandaho ‘Like’ undi na we akabigenza uko.

Iki kinyamakuru kivuga ko Cristiana yifuje kera kugirana umubano na Miss Espagne 2014 ariko ntibimukundire kuko yari afite abandi yakundanaga na bo. Nyuma yo kumenya ko nta musore afite, Ronaldo yahise yiyigereza cyane uyu mukobwa ukomoka i Séville.

Cristiano Ronaldo nta wundi mukunzi afite uzwi nyuma yo gutandukana na Irina Shayk mu mwaka wa 2015, yagiye avugwaho inkuru z’uko akundana n’abandi bakobwa b’ibyamamare ariko bikarangira zibaye impuha.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved