Kwamamaza

Nyampinga mushya wa RDC yahize guhindura igihugu cye ‘umurwa uzira intambara’

Yanditswe kuya 22-09-2016 saa 16:50' na Remesha Jr.


Nyampinga mushya wa Repubulika Iharanira Demokarasi ya Congo, Andréa Moloto yiyemeje kuzasimburwa kuri uyu mwanya Isi yose yarahinduye imyumvire kuri iki gihugu gifatwa nk’indiri y’imitwe yitwaje intwaro.

Miss Andréa Moloto yatowe ku itariki ya 11 Nzeri 2016, nyuma yo gutorwa yabwiye itangazamakuru ko mu by’ibanze ashaka gukorera Repubulika Iharanira Demokarasi ya Congo ko ari “ukugerageza guhindura imyumvire y’abatuye Isi kuri RDC”.

Yavuze ko ashavuzwa cyane n’uko iyo ageze mu kindi gihugu akavuga imyirondoro ye bakumva akomoka muri Congo, ngo buri wese ahita amubaza ‘impamvu iki gihugu gihoramo intambara z’urudaca’.

Andréa Moloto ngo yifuza ko yazasoza manda ye iyi myumvire abantu bafite kuri RDC yarahindutse ahubwo bayifata nk’igihugu kirangwamo ituze n’umutekano usesuye.

Yagize ati “Ngiye kugerageza guhindura imitekerereze y’Isi kuri RDC. Igihe cyose iyo mvuze ko ndi Umunye-Congo abantu bambaza ibibazo ngo ‘kubera iki mu gihugu cyanjye hahora intambara’.”

Yongeraho ati “Ndifuza ko bamenya ko twebwe turi abanyamahirwe…”Uyu mukobwa w’imyaka 24 y’amavuko ngo agiye no gukemura ikibazo cyabaye akarande cy’abana baba ku muhanda muri iki gihugu, azafatanya n’umuryango witwa Matumaïni ukorera i Kinshasa.

Miss Andrea Moloto areshya na 1m 84 agapima ibiro 67, atuye muri Afurika y’Epfo aho yiga ibijyanye n’icungamari ry’ibigo. Yifuza ko narangiza kaminuza azashinga sosiyete ye bwite itwara abagenzi muri RDC.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved