Kwamamaza

Nyampinga arashinja Trump kumusoma ku ngufu

Yanditswe kuya 14-10-2016 saa 08:10' na Mukaneza Ange


Temple Taggart McDowell uri mu bahataniye ikamba rya Miss USA mu mwaka wa 1997 yeruye ko Donald Trump yamusomye ku ngufu akanamukorera ihohotera rishingiye ku gitsina.

Donald Trump wari umuyobozi wa Miss USA arashinjwa n’abagore bagera kuri bane bose bahuriza ku kuba yaragiye abasoma ku ngufu abandi bakavuga ko yabakorakoye ku mabere no ku kibuno nta burenganzira bamuhaye.

Muri Gicurasi 2016 nibwo McDowell yahishuye bwa mbere ko Trump yamukoreye ihohotera rishingiye ku gitsina. Yongeye kubwira ikinyamakuru The New York Times ko ‘ibyo Trump yamukoreye byamusigiye igikomere kuko yamusomye ku munwa ibintu atigeze akorana n’undi mugabo uretse ku musore bakundanye gusa’.

McDowell wahagarariye Leta ya Utah muri Miss USA 1997 yavuze ko ubwo Trump yamusomye ku ngufu icyo gihe ngo yari afite imyaka 21.

Yagize ati “Ntabwo nigeze mbikora cyangwa ngo nsuhuze umuntu muri buriya buryo keretse umuntu twakundanaga.” Yongeye ko ibyo Donald Trump yamukoreye ari urukozasoni kandi bitamuhesha agaciro.

Uyu Nyampinga atangaje ibi nyuma y’iminsi mike hasohotse amashusho yafashwe mu mwaka wa 2005 Donald Trump yivuga ko yaryamanye n’umugore w’abandi ndetse ko nta kintu na kimwe yakwifuza ku mugore uwo ari we wese ngo akibure.

Temple Taggart McDowell arashinja Trump ko yamusomye ku ngufu

Abagore batandukanye bakomeje kugaragaza ko Donald Trump yagiye abakorera ihohotera, hari undi witwa Cassandra Searles wahagarariye Washington muri Miss USA muri 2013 na we yanditse kuri Facebook avuga ko “Donald Trump yamukorakoye ku kibuno mu buryo butandukanye anamutumira mu cyumba cya hoteli”. Icyo gihe ngo yari afite imyaka 28, yanze kwishimishanya n’umugabo wamurushaga imyaka irenze 39.

Jill Harth na we yabwiye Ikinyamakuru The Guardian ko mu gihe yari mu kiruhuko muri hoteli ya Trump yitwa Mar-a-Lago ngo uyu mugabo yamusabye ko bagirana ibihe byiza bakabikorera ku meza undi aramwagana. Erin Burnett wakoreraga CNN, ngo yahuye na Donald Trump muri 2010 undi ashaka kumusoma ku ngufu nta burenganzira yamuhaye.

Undi mugore uvuga ko yahohotewe na Trump ni uwitwa Rachel Crooks wakoraga mu kigo Bayrock Group cyakoreraga mu nyubako ya Trump.

Crooks avuga ko mu 2005 ubwo yari afite imyaka 22, Trump yagerageje kumusoma ku ngufu nyuma y’uko bahuriye mu cyuma gitwara abagenzi mu nyubako ndende(elevator), yamusuhuza amuhereje ikiganza undi akanga kukirekura.

Donald Trump wiyamamariza kuba Perezida wa Leta Zunze Ubumwe za Amerika yanashinjwe ko yagiye yinjira mu byumba by’abakobwa bahataniraga irushanwa rya Miss Teen USA agasanga bambaye ubusa, ibintu bavuga ko ‘bidahesha icyubahiro umugore’.

Ibi birego byose Donald Trump yagiye abihakana mu munsi yashize akavuga ko ababivuga ari abanyabinyoma babivuga badafite ikintu bashingiyeho.

Donald Trump na Miss USA 2006 Tara Conner

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved