Kwamamaza

Mutoni Fille yasubitse ibitaramo bye nyuma yo kurwana n’umugabo

Yanditswe kuya 19-10-2016 saa 09:12' na IGIHE


Umuririmbyi ukomeye muri Uganda, Mutoni Fille yasubitse ibitaramo yateganyaga gukora mu mpera z’umwaka nyuma y’ibibazo amazemo iminsi byakomotse ku nkundura n’intonganya zabaye hagati ye n’umugabo we.

Mutoni Fille yamenyekanye cyane mu Rwanda nyuma yo gukorana indirimbo na Bruce Melody bayita ‘Hallo’. Afite izindi ndirimbo zakunzwe muri Uganda zirimo Its not about money, Got no money, Double Trouble n’izindi.

Mu mpera z’icyumweru gishize Mutoni Fille yagiranye ibibazo n’umukunzi we Edwin Katamba[Mc Kats] ubwo bari bavuye mu kabari gusangira. Aba bombi bateranye amagambo kugeza ubwo bafatanye mu mashati.

Fille yisobanuye binyuze kuri Facebook ko icyabaye hagati yabo atari ukurwana nk’uko itangazamakuru ryabivuze ahubwo ko inshuti y’uyu muhanzi yabonye baterana amagambo ihita imwinjiza mu modoka barirukanka ari nabwo yahushuye MC Kats imugaragura mu bitaka.

Ikinyamakuru Chimp reports gifite ibaruwa ya Fille Mutoni atangaza ko yasubitse ibitaramo byose yagombaga kuzakora uyu mwaka ndetse n’icye bwite yise “Fille Live Concert”, cyagombaga kuzaba kuwa 25 Ugushyingo 2016 kuri Garden City Rooftop.
Yavuze ko agisubitse ku mpamvu ze bwite nyamara ngo hari amakuru avuga ko ubwumvikane n’umugabo we [ari na we manager w’umuziki we] bukomeje kwanga bityo ahitamo gusubika igitaramo.

Mutoni Fille yavuze ko ibiri kwandikwa ku mbuga nkoranyambaga ze atari ibye bwite kuko ngo ziri gukoreshwa n’undi muntu.

Ati “Mushobora kuba mwabonye ibyanditswe ku mbuga nkoranyambaga zanjye, ibiri kuvugwa kuri Radio, Televiziyo no mu binyamakuru byandikwa. Mbabajwe n’ibyabaye byose, ntabwo byari bikwiye kuko ntabwo bingaragaza neza.”

Yongeyeho ati “Ndashaka kubamenyesha ko nasubitse igitaramo cyanjye cyagombaga kuzaba kuwa 25 Ugushyingo 2016 kuri Garden City. Nari niteguye iki gitaramo kuko cyari intambwe ikomeye mu muziki wanjye….”

Yaniseguye ku bafatanyabikorwa be batishimiye ibyo yanyuzemo muri iyi minsi aho yagize ati “Niseguye ku bw’ibibazo byabaye, ndashaka kwisegura ku bafatanyabikorwa bagombaga kuzamfasha, itangazamakuru n’abandi bose bampaye ubufasha bagizweho ingaruka n’inkurikizi z’iki kibazo.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved