Mukuru wa Mariah Carey afunzwe azira gukora uburaya

Yanditswe na Munyengabe Murungi Sabin
Kuya 29 Kanama 2016 saa 01:05
Yasuwe :
0 0

Alison Carey, umuvandimwe w’umuhanzi Mariah Carey yatawe muri yombi anafungwa na polisi y’i New York, akurikiranyweho gukora uburaya no kwicuruza ku mugaragaro.

Ikinyamakuru People gitangaza ko Alison Carey yafashwe kuwa Gatanu tariki ya 26 Kanama 2016. Abashinzwe umutekano bamufatiye mu Mujyi wa Saugerties i New York.

Akimara gutabwa muri yombi yahise amenyesha inzego zishinzwe umutekano ko avukana na Mariah Carey, bakoze iperereza ryimbitse banashingiye ku byangombwa bye basanga koko bavuka ku mubyeyi umwe.

Alison Carey w’imyaka 55 yari amaze icyumweru yicururiza muri hotel zo muri aka gace ka Saugerties. Yafashwe ubwo yageragezaga gutereta umugabo akeka ko yazanywe no kugura indaya atazi ko ari umupolisi ari na bwo yahise atabwa muri yombi.

Uyu mugore ngo basanze yaranduye agakoko gatera Sida bityo Polisi ihita ihamagarira umugabo wese baryamanye ko akwiye guhita ajya kwa muganga akipimisha. Mu gushaka abagabo, Alison Carey yari amaze iminsi akora amatangazo yiyamamaza avuga ko muri iki gihe yashyizeho uburyo budasanzwe mu gushimisha abamugana.

Alison ari mu maboko ya polisi, kuri uyu wa 30 Kanama 2016 azagezwa imbere y’urukiko asomerwe ibyo akurikiranyweho.

Mu ntangiriro z’uyu mwaka Alison Carey yifashe amashusho atakambira murumuna we Mariah Carey amusaba amafaranga. Yagize ati “Nkeneye ubufasha bwawe. Winjugunya gutya.” Mu myaka yose Alison Carey amaze akora uburaya ngo ntiyongeye kuvugana na murumuna we Mariah Carey.

Mariah Carey na mukuru we bakiri bato
Alison Carey bakimufata yahise avuga ko avukana na Mariah Carey
Alison Carey basanze yaranduye agakoko gatera Sida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza