Kwamamaza

Michael Jackson uwa mbere mu bapfuye binjije akayabo muri 2016

Yanditswe kuya 13-10-2016 saa 10:14' na IGIHE


Michael Jackson ayoboye urutonde rw’ibyamamare byapfuye ariko byinjije amafaranga y’umurengera mu mwaka wa 2016, mu mezi cumi n’abiri ashize yasaruye miliyoni 825 z’amadolari.

Ku rutonde rwasohowe n’ikinyamakuru Forbes kuri uyu wa Gatatu tariki ya 12 Ukwakira 2016, Michael Jackson wapfuye muri 2009 ni we uri imbere y’abandi bose. Kuva yatabaruka yagiye aza ku mwanya wa mbere uretse muri 2012 ubwo yitambitswe na Elizabeth Taylor.

Michael Jackson yabaye uwa mbere muri 2011 na miliyoni 175, muri 2012 ntiyari uwa mbere ariko yinjije miliyoni 145; muri 2013 yinjije miliyoni 160; muri 2014 asarura miliyoni 140 mu gihe mu mwaka ushize wa 2015 nabwo yaje imbere na miliyoni 115.

Igiteranyo cy’amafaranga Michael Jackson yinjije mu myaka ishize apfuye kijya kungana na miliyari ebyiri z’amadolari. Ni nayo ajya guhwana n’amafaranga yakoreye kuva mu 1979 kugeza muri 2009 ubwo yapfuye.

Muri 2016 yaciye agahigo ko kuba uwa mbere mu byamamare byapfuye ndetse n’ibikiriho mu mwaka wa 2016. Amafaranga menshi yayavanye mu migabane yagurishije muri Sony mu minsi ishize.

Michael Jackson bivugwa ko yacuruje kopi zirenga miliyari y’ibihangano bye, yapfuye afite imyaka 50 iwe mu Mujyi wa Los Angeles kuwa 25 Kamena 2009 azize umutima na wo wavuye ku kurenza urugero rw’umuti utuma umubiri utumva uburibwe.

Michael Jackson yinjije miliyoni 825 mu mwaka wa 2016
Prince yaje ku mwanya wa Gatanu na miliyoni 25

Urutonde rw’ibyamamare byapfuye byinjije menshi muri 2016:

1. Michael Jackson – 825 million dollars
2. Charles M Schulz – 48 million dollars
3. Arnold Palmer – 40 million dollars
4. Elvis Presley – 27 million dollars
5. Prince – 25 million dollars
6. Bob Marley – 21 million dollars
7. Theodor “Dr. Seuss” Geisel – 20 million dollars
8. John Lennon – 12 million dollars
9. Albert Einstein – 11.5 million dollars
10. Bettie Page – 11 million dollars
11. David Bowie – 10.5 million dollars
12. Steve McQueen – 9 million dollars
13. Elizabeth Taylor – 8 million dollars


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved