Kwamamaza

Mariah Carey yajanjaguye mudasobwa y’umugabo we kubera indirimbo ya Beyonce

Yanditswe kuya 23-08-2016 saa 17:35' na Remesha Jr.


Umuririmbyi Mariah Carey yafashwe n’uburakari bukomeye amenagura mudasobwa y’umukunzi we James Packer amuziza ko yacuranze indirimbo ya Beyonce.

Mariah Carey w’imyaka 46 ngo yafashe umwanzuro wo kujugunya mudasobwa ya fiancé we James Packer [w’imyaka 47] nk’ikimenyetso cyerekaga uyu mugabo ko adakwiye kuzongera gutekereza na gato gucuranga indirimbo ya Beyonce.

Daily Mail yatangaje ko inshuti ya hafi ya James Packer na Mariah Carey yahamije ko umujinya uyu mugore yagize waturutse ku ndirimbo ’Crazy in Love’ ya Beyonce umugabo we yacuranze ashaka kumuguyaguya.

James Packer yacuranze ’Crazy in Love’ ashaka uburyo yashimisha umugore we undi aho kwishima agira uburakari bwinshi kugeza ubwo yashikuje umugabo mudasobwa ayijugunya hanze ayinyujije mu idirishya.

Yagize ati “Mu by’ukuri yarayimenaguye. Yasohotse mu cyumba yitonganya cyane […] Yacururutse amaze kunywa ikirahuri cy’inzoga…”

Mariah Carey n'uyu muherwe wo muri Australia baritegura kurushinga

Mariah Carey ngo yasabye abantu be ba hafi ko nta wemererwe gucuranga indirimbo y’undi muhanzi mu b’igitsinagore baririmba RnB/Pop mu rugo rwe na James Packer bitegura kurushinga.

Asanzwe azwiho kugira umutima wo kwishyira imbere no gushaka ko abantu bose bumva indirimbo ze wenyine. Muri Mata 2011 yibarutse impanga Moroccan na Monroe, icyo gihe ubwo yari kwa muganga ngo yasabye ko bacuranga indirimbo ye yitwa ‘Fantasy’ kugira ngo abana be bavuke bacengewe n’umuziki w’umubyeyi wabo.

Mariah Carey yamennye mudasobwa y'umugabo amuziza ko yumvise indirimbo ya Beyonce Knowles

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved