Lady Gaga yongeye kuvugisha benshi nyuma y’imyaka nta dushya (Amafoto)

Yanditswe na Dusabimana Aimable
Kuya 30 Ugushyingo 2017 saa 03:30
Yasuwe :
0 0

Umuririmbyi Stefani Joanne Angelina Germanotta wamenyekanye cyane nka Lady Gaga mu muziki wa Leta Zunze Ubumwe za Amerika yongeye kuvugisha abantu benshi mu bakoresha internet bitewe n’amafoto ye mashya.

Lady Gaga ni umwe mu bakanyujijeho mu myaka ishize mu muziki abifashijwemo n’udushya tw’ubudasiba twamurangaga ariko akaza kubigabanyamo umurego. Yaririmbye indirimbo zamenyekanye nka “Bad Romance”, “Poker Face”, “Alejandro” na “Paparazzi”, yaherukaga kubica mu yitwa “Million Reasons” muri 2016.

Uyu muhanzi yongeye gutungurana kubera amafoto yashyize kuri Instagram amugaragaza yambaye utwenda twerekana imiterere ye. Ni amafoto yafatiye ku nkengero z’amazi ku mucanga mu Mujyi wa Miami aho yitegura gukorera igitaramo kiri mu byo yise “Joanne World Tour”.

Yagiye yandika kuri buri foto agaragaza uko yiyumva muri ibi bihe ndetse anakomoza kuri album nshya yise Joanne ari kumenyekanisha inaherutse gutoranywa mu zasohotse nziza muri uyu mwaka mu bihembo bya Grammy Awards.

Yagize ati “Nshiye bugufi nashimira ku bwa album yanjye ‘Joanne’ yatoranyijwe n’indirimbo yanjye ‘Million Reasons’ mwarakoze cyane abakunzi banjye n’abatora muri Grammy kunyizera n’umuziki wanjye. Ndabakunda cyane. Uyu ni umunsi ukwiye wo kwishimira akazi gakomeye kakozwe no kudatezuka ndetse no gushima binyuze mu muziki.”

Andi mafoto agaragaza imiterere ye yayanditseho ahuza ibihe arimo n’umunsi mpuzamahanga wo gushima ndetse anavuga ko ari Umwamikazi w’abacishije bugufi.

Mu myaka yashize Lady Gaga yakunze kugarukwaho cyane mu itangazamakuru biturutse ku myifotoreze n’imyambarire idasanzwe yakundaga gusohokana mu bitaramo, benshi bibuka ikanzu y’inyama yigeze gusohokana mu birori bya MTV Video Music Awards muri 2010.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza