Kim Kardashian yibasiwe ashinjwa gushyigikira ivanguraruhu

Yanditswe na Dusabimana Aimable
Kuya 16 Kanama 2017 saa 09:19
Yasuwe :
1 0

Kim Kardashian uri mu bagore b’ibyamamare muri Leta Zunze Ubumwe za Amerika yibasiwe bikomeye ashinjwa gushyigikira ivanguraruhu, nyuma y’aho asabye ko abantu bareka kujora uwigeze kuvugwaho kurangwa na ryo.

Uyu munyamidelikazi amaze imyaka irenga icumi avugwa cyane mu itangazamakuru, yatangiye kugaragara ubwo hasohokaga amashusho y’ubusambanyi yakoranye n’umusore witwa Ray J, bashwana akayashyira hanze. Nyuma uko yamenyekanye yabibyaje umusaruro atangira gukora ibiganiro kuri televiziyo.

Kim Kardashian yabyukije uburakari bwa bamwe mu bamukurikira kuri Twitter biturutse ku mashusho yashyize ahagaragara, yivugiye ko ashyigikiye umuhanzi usigiriza ubwiza bw’amasura y’abantu [Make-up artist] witwa Jeffree Starr wari wafashe ifoto igaragaza ’ibirungo’ uwo mugore wa Kanye West agiye gukoresha akavuga ko bikoze kimwe n’ingwa.

Mu mashusho yatumye Kim Kardashian yibasirwa, yagize ati "Ndabyumva ko ari ibintu bifite uburemere nk’uko mubivuga, ibintu by’ivangura, gusa nizerera mu guhinduka kw’abantu n’abantu basaba imbabazi." Yakomeje ati "Mureke twe kuba abantu babi. Ndagukunda Jeffree... Ntabwo nshyigikira abarangwa n’ivangura kandi ndyanga kubi."

Ibi byatumye benshi mu bakoresha Twitter batangira kumwibasira, uwitwa Scambella yagize ati "Kim Kardashian, nk’abandi bagore b’uruhu rwera bose bafite abana cyangwa abagabo b’abirabura, batakaza amafaranga menshi birinda kugaragara nk’abarangwa n’ivangura iyo bibabereye."

Uwitwa xoxoQueenLo yanditse ati "Ntabwo nzi ikibi kurusha ikindi muri ibi, kubona Kim Kardashian yisiga ingwa cyangwa kumubona agerageza gushyigikira umuntu urangwa n’ivanguraruhu n’umwibone kandi abizi neza ko afite umuryango urimo abantu batandukanye."

Abandi bagaragaje kudashyigikira uyu mugore wavuze ko yababariye Jeffree Starr wagaragaje ivanguraruhu akanabyiyemerera, bavuze ko Kim Kardashian atari mu mwanya wo gutanga imbabazi kandi afite uruhu rwera mu gihe abakorewe iryo vanguraruhu ari abirabura.

Urugamba mu kwamagana ivangura ’ryarangaga’ Jeffree Starr, rwatangijwe n’Umunya-Nigeria witwa Jackie Aina anenga bikomeye ibitekerezo by’uwo muhanzi mugenzi we mu mashusho yigisha gukora umwuga wo kunogereza ubwiza abantu [Make-up art] nubwo yaje kubisabira imbabazi inshuro nyinshi.

Uwo mugabo yanengagwa guha abirabura inyito zaciwe abinyujije mu mashusho yigisha umwuga asanzwe akora.

Jeffree Starr watumye Kim Kardashian yibasirwa
Amagambo Jeffree Starr yanditse kuri Twitter akabyutsa impaka zinjiyemo na Kim Kardashian

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza