Kwamamaza

Kim Kardashian yatashye igitaraganya nyuma yo gucucurwa n’abitwaje imbunda (Amafoto)

Yanditswe kuya 3-10-2016 saa 15:00' na IGIHE


Kim Kardashian yacucuwe n’abajura bamufatiyeho imbunda, bamusanze mu cyumba cya hoteli yari acumbitsemo mu Mujyi wa Paris mu masaha ashyira mu gitondo cyo kuri uyu wa Mbere tariki ya 3 Ukwakira 2016.

Kim Kardashian yavuye mu Bufaransa igitaraganya, yohererejwe indege ye bwite imusubiza muri Amerika aho umuryango we uri. Yari yagiye mu Bufaransa kwitabira icyumweru cyahariwe imideli cya Paris Fashion Week, yajyanye na nyina Kris Jenner ndetse na murumuna we Kendall Jenner.

Daily Mail yatangaje ko Kim Kardashian yatewe n’abajura ahagana saa cyenda zo mu rukerera rwo kuri uyu wa Mbere tariki ya 3 Ukwakira. Aba bajura bari batanu b’igitsinagabo, bamusanze mu cyumba babifashijwemo n’umuzamu bari baziritse amaboko yombi n’amapingu.

Kim Kardashian w’imyaka 35 basanze atari kumwe n’umurinzi we Pascal Duvier, uyu ngo yari yaherekeje Kendall Jenner mu kabyiniro.

Aba bajura bari bipfutse mu maso ndetse bari biyoberanyije mu mwambaro wa Polisi y’u Bufaransa. Bageze mu cyumba umwe yahise atunga imbuga ku mutwe wa Kim Kardashian, uyu mugore ngo yahise ‘asaba imbabazi avuga ko bamugirira impuhwe ntibamwice kuko afite abana babiri bato’.

Mu cyumba yari afitemo amafaranga yo kwifashisha n’imirimbo y’agaciro ifite agaciro ka miliyoni esheshatu z’amadolari [akabakaba 4,944,000,000frw], ibi byose abajura babikukumbye barabyandurukana.

Kim Kardashin kandi bamwibye impeta ihenze yambitswe n’umugabo we Kanye West, iyi ifite agaciro ka miliyoni enye z’amadolari ya Amerika. Mu byo bamwibye harimo telefone ebyiri zihenze, ngo hari imwe yari irimo amabanga menshi y’uyu mugore.

Kanye West waririmbaga mu iserukiramuco rya Meadow Music and Art Festival, mu Mujyi wa New York yahise ava ku rubyiniro akimenya inkuru y’uko umugore we yafatiweho imbunda. Yabwiye abitabiriye gitaramo ko ahagaritse igitaramo kuko ‘hari ibibazo umuryango we ugize’.

Kim Kardashian yageze ku kibuga aherekejwe n'umwunganizi we n'umugabo umurinda

Abana ba Kim Kardashian, North West na Saint West w’amezi icumi, ntabwo yari kumwe na bo mu cyumba, yabasigiye se muri Amerika.

Mu cyumweru gishize Kim Kardashian yibasiwe n’umugabo witwa Vitalii Sediuk washakaga kumusoma ku kibuno, umurinzi aritambika.

Sediuk yavuze ko yabikoze ari mu myigaragambyo yamagana Kim Kardashian kuko ngo yiyongeresheje ibibuno ‘umuco udakwiye kuranga abagore’.

Pascal Duvier urinda Kim ubwo yavunaga n'abakora ku kibuga cy'indege mbere y'uko bahaguruka
Kim Kardashian mu ndege, yasubiyeyo nta mpeta yambaye
Mbere y'amasaha make ngo aterwe n'abajura, Kim yashyize video ngufi kuri Snapchat yambaye impeta ye
Kim Kardashian na Kourtney mbere y'uko abajura bamutera
Abapolisi babyutse bagose iyi hoteli
Ubwo yamenyaga ko umuvandimwe we yatewe, Kendall Jenner yahise ava mu kabyiniro
Yahise ahabwa abapolisi bamurinda
Indege yasubije Kim muri Amerika
Ubwo bapakiraga imizigo ya Kim Kardashian ngo bayijyane kuri Le Bourget airport
Ubwo Kim yasohokaga muri hoteli yerekeza ku kibuga cy'indege
Ubwo Kourtney Kardashian yavaga mu kabyiniro kitwa Arc ajya kureba umuvandimwe we watewe n'abajura
Kim na Kanye West baherukanaga kuwa Kane w'iki Cyumweru mu birori bya Off-White show i Paris
Kris Jenner na Kim Kardashian West bafotowe ku Cyumweru ku manywa bava muri 'L'Avenue' restaurant
Ibi byabaye Kanye West ari mu gitaramo i New York
Uwitwa Vitalii Sediuk aherutse gukora ku kibuno cya Kim Kardashian ku ngufu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved