Kansiime yeruye ko yatandukanye n’umugabo bari bamaranye imyaka ine

Yanditswe na IGIHE
Kuya 13 Ugushyingo 2017 saa 08:54
Yasuwe :
2 0

Umunyarwenya Anne Kansiime yemeje byeruye ko yamaze gutandukana n’umugabo we Gerald Ojok nyuma y’uko bari bamaze imyaka ine barushinze.

Urugo rwa Anne Kansiime rwari rumaze iminsi ruvugwamo uruhuri rw’ibibazo ndetse ibihe byakurikiye ugushyingirwa kwe byari bibi urebye ku makuru yavugwaga kuri aba bombi. Ibibazo bivugwa hagati ya Kansiime na Ojok byakuruwe no kuba ngo uyu mugore yarabuze urubyaro undi akananirwa kubyihanganira.

Mu Ukwakira 2013 Anne Kansiime yashakanye na Gerald Ojok, icyo gihe basezeranye imbere y’amategeko n’imiryango bahita babana nk’umugabo n’umugore uretse ko nta bana babyaranye.

Kuri iki Cyumweru tariki ya 12 Ugushyingo 2017, Kansiime yanditse kuri Facebook asaba abafana be kumubaza ibibazo ndete abizeza ko ikibazo cyose kibazwa aza kugisubiza adaciye ku ruhande.

Umwe mu bakurikira uyu munyarwenya yamwandikiye amubaza niba koko urugo rwe n’umugabo we yitaga ‘Dark Chocolate’ rwarasenyutse nk’uko bimaze iminsi bivugwa mu itangazamakuru rya Uganda. Kansiime yahise yemeza aya makuru gusa avuga ko ‘icyabatandukanyije kigomba kuguma hagati yabo’.

Yagize ati “Njye na OJ ntabwo tukiri kumwe. Impamvu tutakiri kumwe ntabwo zigomba kumenywa na buri wese, biri hagati yacu twembi.”

Umwiryane n’ibibazo hagati ya Gerald Ojok n’umugore wa Kansiime byatangiye kuvugwa nyuma y’umwaka umwe barushinze. Itangazamakuru ryatangiye kugaruka ku byo Kansiime [umukiga w’i Kabale] atandukaniyeho na Gerald Ojok [ukomoka mu bwoko bwitwa Acholi], icyo gihe byaravuzwe biratinda bamwe bashimangira ko ‘kurongora umukiga bidahira bose’.

Mbere y’uko Kansiime avuga byeruye ko yatandukanye n’umugabo hari hamaze iminsi hacicikana amakuru yemeza ko urugo rwe na Gerald Ojok rwamaze gusenyuka biturutse ku bwumvikane buke buri hagati yabo bombi. By’akarusho ngo Gerald Ojok yananiwe kwihanganira kubana n’umugore utabyara undi na we agashinja umugabo uburaya.

Mu mwaka wa 2016 nibwo byatangajwe ko Kansiime atakibonera umwanya Gerald Ojok ari nacyo cyatumye asharirirwa ajya kuvugira mu itangazamakuru ko ‘arambiwe kubaho agaburirwa n’umukozi gusa’ kuko umugore we ahora mu ngendo ajya gusetsa abantu hanze y’igihugu.

Icyo gihe umwuka wabaye mubi mu rugo rwa Kansiime kugeza ubwo imiryango yombi yateranye irabunga bongera gusubirana. Budacyeye kabiri inkuru zongeye kuvugwa ko Kansiime atakirara ku buriri bumwe na Gerald Ojok nyuma y’uko yari amaze kumufata inshuro zitari nke yagiye kumuca inyuma.

Kutavuga rumwe hagati ya Kansiime na Gerald Ojok byakajije umurego ubwo mu minsi yashize uyu munyarwenya yubatse inzu abantu biyakiriramo yitwa Kansiime Backpackers kuri Lake Bunyonyi ari naho asigaye aba iminsi myinshi.

Bitangira kuvugwa itangazamakuru ryemezaga ko Kansiime asigaye amara igihe kinini kuri Lake Bunyonyi, iyo ahavuye ajya iwabo mu Mujyi wa Kabale ubundi akajya Kampala by’igihe gito akahava azinga ibye agiye mu bitaramo kure ya Uganda.

Ojok usanzwe ari umukozi wa Kaminuza ya Kyambogo ngo yarakaye bikomeye umunsi yatahuye ko Kansiime anywa imiti ibuza umugore gusama ari nayo mpamvu bamaze imyaka ine batabyara.

Kansiime yarushinganye n'uyu mugabo mu mwaka wa 2013
Kansiime na Gerald Ojok batandukanye batarabyarana
Kansiime n'umugabo we batandukanye burundu
Kansiime ngo yari asigaye aba igihe kinini kuri Lake Bunyonyi,

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza