Kwamamaza

Kagasa yambitswe ikamba rya Nyampinga wa Uganda (Amafoto)

Yanditswe kuya 17-10-2016 saa 12:04' na IGIHE


Umukobwa witwa Leah Kagasa yambitswe ikamba rya Nyampinga wa Uganda umwaka wa 2016/2017, yahigitse abakobwa 20 yari ahanganye na bo mu birori byabereye muri Kampala Serena Hotel.

Miss Leah Kagasa w’imyaka 21 y’amavuko yatowe mu ijoro ryo kuwa Gatandatu tariki ya 15 Ukwakira 2016. Yari ahatanye n’abakobwa bagera kuri 20 bo mu bice bitandukanye bya Uganda birangira ari we ubarushije mu buhanga no mu buranga.

Ibirori byari biyobowe na Mariat Nasasira ukorera Galaxy FM ndetse na Anita Fabiola wigeze guhatanira iri kamba, byatangiye bitinze cyane ugereranyije n’amasaha byari biteganyijwe kuberaho bityo abakobwa biyerekana igihe gito ndetse hari ibice bimwe byakuwemo kugira ngo umuhango utarambirana.

Abakobwa bari bamaze igihe kigera ku kwezi mu mwiherero bitegura ibirori byo gutora uwahize abandi muri Uganda mu mwaka wa 2017. Kagasa wiga mu ishami rya Marketing muri Makerere University Business School (MUBS) yabarushije gusubiza ndetse mu kwiyerekana yagaragazaga ko yiyizeye kurusha abandi.

Yabonetse mu bakobwa batanu ba mbere benshi bavuza induru batangira kuvuga ko agiye kuba Nyampinga, ntibyatinze ahita ahabwa ikamba rya Miss Popularity rihabwa umukobwa ukunzwe kurusha abandi.

New Vision yatangaje ko iri kamba ryaherekejwe n’amashilingi miliyoni eshanu no kuba Ambasaderi wa kompanyi ikomeye yitwa Sky Cargonet and Security Company Ltd.

Uyu mukobwa uvuka muri Kabarole District mu burengerazuba bwa Uganda, yaje kurangiza icyiciro cya nyuma cy’ibibazo ari uwa mbere bimuhesha amanota yo guhabwa ikamba rya Nyampinga wa Uganda 2016/2017.

Mu bakobwa batanu bageze ku cyiciro cya nyuma bane bari bahanganye na we harimo Evelyn, Simple, Ritah na Ruth na bo basubizanyaga ubuhanga ku buryo byari bigoye kumenya kwiye gutsinda mbere y’uko akanama nkemurampaka gatangaza uwa mbere.

Miss Kagasa yagaragiwe n’abakobwa babiri, Charlotte Kyohairwe wabaye igisonga cya mbere na Ritah Ricky Mutoni wabaye igisonga cya kabiri.

Ibi birori byitabiriwe na Hon. Cecilia Ogwal wabaye Nyampinga wa Uganda mu 1969.

Leah Kagasa na mugenzi we Zahara Muhammad asimbuye
Zahara Muhammad mu minota ya nyuma mbere y'uko asimburwa
Leah Kagasa yahembwe imodoka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved