Justin Bieber yatandukanye n’umukobwa yari yasimbuje Selena Gomez

Yanditswe na Munyengabe Murungi Sabin
Kuya 20 Nzeri 2016 saa 10:54
Yasuwe :
0 1

Umuririmbyi Justin Bieber ntagicana uwaka na Sofia Richie, umukobwa mushya bari bamaze ibyumweru bitandatu bakundana, uyu ni we yari yasimbuje Selena Gomez umukunzi we w’igihe kinini.

Justin Bieber yasubiye mu buzima bwo kubaho nta mukobwa agira bakundana nyuma yo gutandukana na Sofia Richie[umukobwa w’umuririmbyi Lionel Richie]. Aba bombi beruye iby’urukundo rwabo muri Kanama 2016 ari nabyo itangazamakuru ryatangiye kubavugaho cyane.

Mu minsi mike ishize Justin Bieber yashyize ifoto kuri Instagram ari kumwe na Sofia Richie, mu bihumbi by’ibitekerezo byayishyizweho hari higanjemo abafana batukaga uyu mukobwa ibintu byarakaje cyane Justin Bieber.

Justin Bieber yahise yandika amenyesha abafana be ko nibakomeza kumwandikira amagambo ahembera urwango ari buhindure konti ye ikaba private [ntibonwe n’ubonetse wese].

Mu bibasiye Justin Bieber harimo Selena Gomez ari na we watumye uyu musore agira uburakari bwinshi yivana kuri Instagram ndetse kugeza ubu ntakiyikoresha.

TMZ itangaza ko Justin Bieber na Sofia batandukanye ndetse mu minsi mike ishize ntibongeye kugaragara mu birori basohokanye nk’uko byagendaga hambere. Aba bombi bari basohokanye i Mexico ubwo Sofia yari yizihije isabukuru y’imyaka 18, baherukaga kugaragara bari kumwe i Los Angeles ku itariki ya 26 Kanama 2016.

Ku Cyumweru tariki ya 18 Nzeri, Sofia yagaragaye mu birori bya Treats! Magazine party ari wenyine. Inshuti za Justin Bieber zahamirije iki kinyamakuru ko iby’urukundo rwabo babishyize ku ruhande buri wese akomeza inzira ze.

Mu kiganiro Sofia aheruka kugirana na Billboard yavuze ko umubano we na Justin Bieber wihariye, aho yagize ati “Dufitanye urukundo rudasanzwe.” Mukuru wa Sofia witwa Nicole Richie na we yagize ati “Justin Bieber ni umuntu woroshye kuvugisha, ni ikintu gikomeye utapfa gusangana abantu muri Los Angeles.”

Justin Bieber na Sofia Richie bari bamaze ibyumweru bitandatu bakundana
Justin na Sofia batandukanye
Justin Bieber na Gomez bakundanye hagati ya 2011-2014 gusa baje gutandukana umwe ace inzira ze

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza