Kwamamaza

Juliana Kanyomozi yagiye kubyarira i Nairobi

Yanditswe kuya 3-09-2016 saa 10:37' na Remesha Jr.


Umuririmbyi ukomeye muri Uganda, Juliana Kanyomozi amaze igihe yimukiye muri Kenya mu Mujyi wa Nairobi aho yagiye kwitegurira kubyara inda atwite.

Nyuma y’imyaka ibiri apfushije imfura ye Keron [yari afite imyaka 11], biravugwa ko umuhanzi Juliana Kanyomozi agiye kubyara undi mwana. Keron, imfura ya Juliana yaguye mu bitaro byo muri Kenya muri 2014 azize indwara ya Asthma. Urupfu rwa Keron rwasigiye nyina ibikomere ndetse kugeza ubu biracyari bibisi.

Ikinyamakuru Big Eye cyatangaje ko gifite gihamya yemeza ko Juliana Kanyomozi abura ibyumweru bike ngo yibaruke ndetse mu gihe cyose amaze muri Nairobi ngo akunze kugaragara ku bitaro bya Aga Khan Hospital yisuzumisha.

Umugabo wateye inda Juliana ibinyamakuru ntibimuhurizaho gusa mu minsi yashize byavuzwe ko uwayimuteye ari umwe mu barwanashyaka bakomeye b’ishyaka NRM. Inkuru zivuga ku gutwita kwa Juliana zanavuze ko uwo bagiye kubyarana ari umuteramakofe Jordan Lutalo Evora.

Amakuru yo gutwita kwa Juliana yabanje kuyahakanira kure avuga ko ibinyamakuru bibitangaza biba bigamije gucuruza ariko yemeza ko ‘ategereje igeno ry’Imana’.

Mu mpera za 2015 Juliana Kanyomozi yatangiye kuvugwa mu nkuru z’urukundo no gukururana n’abandi bagabo ari nabwo byatangiye guhwihwiswa ko ashaka kubyara undi mwana.

Mu minsi yashize byigeze gutangazwa ko Juliana atwite inda y’umukunzi we mushya, umuteramakofe Jordan Lutalo Evora. Yaje kubinyomoza avuga ko adatwite ‘gusa ko ategereje igeno ry’Imana’.

Muri Uganda hari abandi bagore b’ibyamamare bavuzweho ko batwite banga kubyemera kugeza babyaye. Ni kenshi byatangajwe ko Rema Namakula atwite inda ya Eddy Kenzo undi akabyamaganira kure kugeza ubwo inda yabaye imvutsi abona kubyemera. Ni nako byagenze kuri Josephine Karungi wamamaye kuri NTV, uyu na we byavuzwe ko atwite akabyamaganira kure birangira abyaye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved