Julia Roberts, umugore w’uburanga kurusha abandi muri 2017

Yanditswe na IGIHE
Kuya 19 Mata 2017 saa 04:21
Yasuwe :
0 0

Julia Roberts, umukinnyi wa filime wabigize umwuga muri Leta Zunze Ubumwe za Amerika yatoranyijwe n’ikinyamakuru People nk’umugore w’uburanga kurusha abandi mu mwaka wa 2017.

Julia Fiona Roberts azwi nk’umuhanga mu gukina filime akanagira ubumenyi bwihariye mu gutunganya filime no kuziyobora. Yamamaye cyane nyuma yo gukina muri filime y’urukundo yo mu bwoko bw’izisekeje yitwa ‘Pretty Woman’, iyi iri mu zaciye agahigo mu 1990 ndetse icyo gihe yasaruwemo asaga miliyoni 464 z’amadolari.

Kuri uyu mwanya w’umugore mwiza kurusha abandi Julia Roberts asimbuye Jennifer Aniston watowe muri 2016. Uyu mukinnyi wa filime yari yasimbuye Sandra Bullock watowe muri 2015, uyu na we yari yasimbuye Lupita Nyong’o wo muri 2014 ahanini kubera filime yatumye yamamara ku Isi yitwa ‘12 Years A Slave’.

Julia Roberts w’imyaka 49 y’amavuko, akimara kumenya ko yatowe byamushimishije cyane ndetse mu kiganiro yagiranye n’umwanditsi mukuru w’ikinyamakuru People yavuze ko ‘akibyumva yishimye cyane ndetse ko byamukoze ku mutima’.

Ni ku nshuro ya gatanu Julia Roberts atowe nk’umugore w’uburanga kurusha abandi, bwa mbere yashyizwe ku gifuniko cy’iki kinyamakuru mu 1991 icyo gihe yari afite imyaka 23 y’amavuko. Mu byatumye ashyirwa kuri iki kinyamakuru nk’umugore mwiza kurusha abandi ni filime yakinnyemo mu 1990 yitwa ‘Pretty Woman’.

Nyuma yongeye gutorwa mu mwaka wa 2000, 2005 ndetse no muri 2010 ari nabwo yaherukaga kuri uyu mwanya.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza