Johnny Hallyday, icyamamare mu muziki wa Rock yitabye Imana

Yanditswe na Dusabimana Aimable
Kuya 6 Ukuboza 2017 saa 10:41
Yasuwe :
0 0

Umuhanzi Johnny Hallyday wabaye icyamamare mu muziki wa rock ’n’ roll mu Bufaransa yitabye Imana, amakuru y’urupfu rwe yemejwe n’Ibiro bya Perezidansi y’u Bufaransa.

Jean-Philippe Smet wamamaye nka Johnny Hallyday mu muziki wa Rock ’n’ Roll yatazirwaga n’abakunzi b’umuziki mu Bufaransa akazina ka "Our Johnny", abandi bamuzi cyane nka Hallyday. Yacuruje kopi z’indirimbo zirenga miliyoni 100 yari umuhanzi wubahwa cyane n’abakunda umuziki w’Igifaransa.

CNN yatangaje ko Hallyday wari ufite imyaka 74 yakurikiranywe n’abaganga ku ndwara ya Cancer y’ibihaha muri Werurwe uyu mwaka. Yitabye Imana mu rukerera rwo kuri uyu wa Gatatu, tariki 6 Ukuboza 2017.

Itangazo ryasohowe n’Ibiro bya Perezida w’u Bufaransa byigeze kumuha umudali w’ishimwe ryagiraga riti "Twese twifitemo igice cya Johnny Hallyday imbere muri twebwe, abaturage uyu munsi bari mu marira, kandi igihugu cyose kiramwunamira [...] Amatwara ya Rock ’n’ roll yatuzaniye ayakuye muri Leta Zunze Ubumwe yamugize icyitegererezo mu rubyiruko rwo muri za 60."

Urupfu rwa Hallyday rwashenguye imbaga y’abakunzi b’umuziki mu Bufaransa no hirya no hino ku Isi, abahanzi bagenzi be barimo Celine Dion na Lenny Kravitz banditse ku mbuga nkoranyambaga bakoresha bagaragaza ko yari intwari mu bikorwa kandi uruganda rw’umuziki ku Isi ruhombye imbaraga zikomeye.

Johnny Hallyday yitabye Imana ku myaka 74
Johnny Hallyday yari umwe mu bahanzi bubashywe mu njyana ya Rock mu Gifaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza