Jay Z azaherekeza Hillary Clinton mu kwiyamamaza

Yanditswe na Munyengabe Murungi Sabin
Kuya 26 Ukwakira 2016 saa 08:10
Yasuwe : XX
0

Umuraperi Shawn Corey Carter[Jay Z] ari mu bantu bakomeye muri Leta Zunze Ubumwe za Amerika bazaherekeza Hillary Clinton mu bikorwa byo gushakisha amajwi ku mwanya w’Umukuru w’Igihugu ahatanira na Donald Trump.

Jay Z yateguye igitaramo gikomeye kizaba kuwa 4 Ugushyingo 2016 mu Mujyi wa Cleveland muri Leta ya Ohio. CNN yatangaje iki gitaramo kiri mu bifite imbaraga byateguriwe kwamamaza Hillary Clinton gusa ngo Jay Z agiye kwifashishwa mu kumushakira amajwi mu birabura bakomoka muri Afurika.

Si uwa mbere Jay Z agiye gushyigikira umukandida mu matora kuko no muri 2009 ndetse na 2012 yakoraga ubukangurambaga mu gushakira Barack Obama amajwi. Uyu muraperi ni umwe mu bandi bahanzi bakomeye bazafasha Hillary Clinton mu kwiyamamaza.

Umugore wa Jay Z, Beyonce Knowles na we ashyigikiye Hillary Clinton ndetse no mu mwaka ushize wa 2015 yamuherekeje i New York City mu bikorwa byo gukusanya inkunga yo kumufasha kwiyamamaza.

Mu bandi bahanzi bazashyigikira Clinton mu kwiyamamaza harimo Miley Cyrus, Katy Perry, John Legend n’abandi batandukanye. Aba bose bazamufasha kubona amajwi mu biganjemo urubyiruko ari na rwo rukunda umuziki wabo ahanini.

Mu mpera z’icyumweru gishize, Miley Cyrus yakoreye igitaramo muri George Mason University ndetse ahavugira ko abantu bose bakwiye kujya inyuma ya Clinton. Katy Perry na we yari mu Mujyi wa Las Vegas ashakisha amajwi, azanakora ikindi gitaramo muri Philadelphia kuwa 6 Ugushyingo mbere y’iminsi ibiri ngo amatora abe.

Miley Cyrus ari mu bashakira amajwi Hillary Clinton

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza