Kwamamaza

Jay Z ari mu mazi abira aryozwa umutungo wa Prince witabye Imana

Yanditswe kuya 17-11-2016 saa 11:17' na IGIHE


Umuraperi Jay Z na kompanyi ye Roc Nation bari mu bibazo bikomeye, bajyanwe mu nkiko baryozwa ko bishe amasezerano mu gucuruza ibihangano by’umuririmbyi Prince witabye Imana.

Mu mwaka wa 2015, Tidal ya Jay Z yari yemerenyije n’umuhanzi Prince ko bagomba kumufasha gusakaza no gucuruza indirimbo zigize album ye ya 38 yise ‘HITnRUN Phase One’. Abashinzwe kureberera inyungu za Prince bavuga ko mu byo basinyanye harimo ko ‘aya masezerano agomba kumara iminsi 90 gusa’ ariko babirengaho bayica nkana.

Ikinyamakuru The Guardian cyatangaje ko label ya Prince yitwa NPG Records n’abasigaye bacunga imitungo yasize bajyanye mu rukiko Jay Z na Roc Nation bamushinja ko yasakaje ndetse agacuruza ibihangano bya Prince nta burenganzira abifitiye.

Mu kirego bahaye urukiko rwo muri Minnesota aho Prince akomoka, bagaragaje ko Jay Z yishe amasezerano nkana agacuruza umutungo w’umuhanzi wabo mu gihe kirenze ku byo bumvikanye.

Iki kirego kandi kivuga ko bari basinyanye amasezerano ko igihe cyo gusakaza izi ndirimbo nikirangira bazahagarika imikoranire gusa ngo Jay Z na Tidal ayoboye babirengaho bakomeza gucuruza.

Jay Z ajyanywe mu nkiko aryozwa gucuruza ibihangano by’abahanzi nta burenganzira afite mu gihe Tidal yari mu rugamba rwo kuza imbere mu zindi sosiyete bihanganiye isoko zirimo Spotify na Apple Music.

Nyuma y’urupfu rwa Prince muri Mata 2016, hari ibibazo byinshi byavutse mu bijyanye no gucuruza no gukwirakwiza ibihangano bye. Abashinzwe kureberera inyungu ze bagaragaza ko abacuruza umutungo we nta burenganzira bafite nyamara abaregwa na bo bakavuga ko bari barabyemeranyije na nyir’ubwite akiri ku Isi.

Prince apfuye amaze imyaka 40 aririmba

Prince yavutse kuwa 7 Kamena 1958 i Minneapolis muri Leta Zunze Ubumwe za Amerika, yapfuye kuwa 21 Mata 2016 i Chanhassen2 azize kunywa ibinini byinshi bigabanya ububabare bya painkillers . Yari umuhanzi, umwanditsi w’indirimbo akaba n’umukinnyi wa filime.

Azwi mu njyana ya Pop, Funk, Rock na R&B contemporain. Yapfuye nyuma y’imyaka igera kuri 40 amaze akora umuziki aho yacuruje kopi za album zikabakaba miliyoni ijana.

Yabaye ikirangirire ku Isi mu 1982 nyuma yo gusohora album yakundwakajwe yitwa "1999." Yapfuye amaze gukora album 30 ndetse hafi ya zose zakunzwe mu buryo bukomeye. Prince yegukanye ibihembo birindwi bya Grammy Awards kuva mu 1985.

Jay Z yajyanwe mu nkiko aryozwa gucuruza ibihangano bya Prince nta ruhushya

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved