Kwamamaza

Indonesia yatoye Nyampinga w’abasore bihinduye inkumi

Yanditswe kuya 12-11-2016 saa 09:37' na IGIHE


Pie Nabh Tappii yaraye yambitswe ikamba rya Nyampinga uhiga abandi mu bwiza mu cyiciro cy’abavutse ari igitsina gabo nyuma bakihindura abakobwa muri Indonesia.

Nyampinga Pie Nabh Tappii yatowe mu ibanga rikomeye mu kwirinda ibibazo n’inkurikizi zari guturuka mu mvururu z’Abayisilamu banga urunuka abantu bihunduza igitsina muri iki gihugu.

Ibaze nk’umusore w’urubavu ruto cyangwa umwe w’amapinya mu Rwanda yiyambitse uruhu rwera nk’Abanyaburayi akajya mu nzobere zikavanaho ubugabo agahinduka inkumi!

Mu Rwanda ni bishya ndetse ntibimenyerewe kumva ko umuhungu yagiye mu bahanga bakamuvanaho igitsina cye bakamuteraho icy’abagore. Ni ikizira gikomeye kuba hagira ubikora akarenzaho kwiyamamaza nka Nyampinga.

Pie Nabh Tappii w’imyaka 28 yatowe nka Nyampinga w’abasore bihinduye abakobwa muri Indonesia mu birori byabaye mu ibanga rikomeye kuri uyu wa Gatanu tariki ya 11 Ugushyingo 2016.

AFP yatangaje ko abateguye irushanwa nta munyamakuru n’umwe bemereye kwitabira iki gikorwa ndetse banze ko hagira umufana winjiramo mu kwirinda ko hari uwafata amafoto akayashyira ku mbuga nkoranyambaga bigakurura imvururu ndetse n’uwatowe akaba yagirirwa nabi n’Abayisilamu bamagana iki gikorwa.

Miss Pie Nabh Tappii ukomoka muri Jakarta yari ahanganye n’abakobwa 18 bo mu bice bitandukanye bya Indonesia, yabatsinze hashingiwe ku bumenyi afite n’ubuhanga nk’uko byagaragajwe n’akanama nkemurampaka kari kagizwe n’abantu batigeze bagaragazwa imyirondoro.

Nyuma yo gutorwa yabwiye iki kinyamakuru ati “Ndishimye cyane ariko ndumva nshaka kurira […] Ntabwo nari mbyiteguye, ibi ntabwo nari mbyiteguye.”

Nyampinga Pie Nabh Tappii yaagaragiwe n’abakobwa babiri, Sefty Castanyo wabaye igisonga cya mbere na Amanda Sandova wabaye igisonga cya kabiri. Uyu mukobwa yahembwe amadolari 745 n’igikombe kinini cy’urwibutso.

Iri tora ribaye nyuma y’icyumweru kimwe abaturage ibihumbi bakoze imyigaragambyo mu Mujyi wa Jakarta bamagana Guverineri w’umukirisitu wayoboraga umurwa mukuru. Uyu bamushinja gutuka idini ya Islam no kwima amahirwe Abayisilamu.

Umuntu wese ukora ikibangamiye idini ya Islam muri Indonesia agira ibibazo bikomeye kuko umubare munini w’abatuye iki gihugu ari Abayisilamu. Muri Indonesia leta yemera amadini atandatu gusa miliyoni 255 z’abayabarizwamo bakora imigenzo ijya kumera nk’iy’Abayisilamu.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved