Kwamamaza

Imvura idasanzwe yatumye abafana ba Diamond muri Malawi barara rwantambi (Amafoto)

Yanditswe kuya 31-10-2016 saa 09:27' na IGIHE


Diamond Platnumz, umuhanzi umaze kwigarurira imitima ya benshi muri Afurika aherutse gukorera igitaramo muri Malawi abangamirwa bikomeye n’imvura idasanzwe yaguye muri Malawi mu ijoro ryo kuwa Gatandatu tariki ya 29 Ukwakira 2016.

Uyu muhanzi yari yatumiwe mu gitaramo cyo gusoza iserukiramuco rya Sand Music Festival cyabaye mu ijoro ryo kuwa Gatandatu tariki ya 29 Ukwakira 2016 ahitwa Living Stone.

Imvura ikomeye yaguye ku mugoroba ndetse ikomeza ijoro ryose ituma uyu muhanzi atagera ku rubyiniro ariko abafana ntibacika intege bakomeza gutegereza kugeza ihise. Diamond yanditse kuri Facebook avuga ko yashimishijwe bidasanzwe no kuba abafana baramutegereje ijoro ryose kugeza bucyeye akaririmba mu gitondo ahagana saa kumi n’ebyiri.

Yagize ati “Nyuma y’imvura idasanzwe yaguye ikanangiza ibyuma twagombaga gukoresha turirimba mwakomeje kuntegereza kugeza mu gitondo. Mwarihanganye cyane ku buryo naririmbye saa kumi n’ebyiri za mugitondo. Mbabwije ukuri Malawi banyeretse urukundo rudasanzwe….”

Diamond yongeyeho ko mu gitaramo hagati yatunguwe bikomeye no kubona abafana b’igitsinagore bamusanze ku rubyiniro bakamufasha kubyina indirimbo yitwa Nasema Na we mu buryo batigisaga ikibuno bidasanzwe.

Yagize ati “Ubwo naririmbaga iyitwa Nasema Nawe uyu munsi nahise mbona ko abagore bo muri Malawi ari aba mbere mu gutigisa ikibuno […] Ni nde waba uzi ikindi gihugu batigisa ikibuno kurusha aba hano?”

Diamond yavuze ko nava muri Malawi azahita ajya muri Nigeria mu mpera z’iki cyumweru.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved