Kwamamaza

Impaka z’urudaca hagati ya Brad Pitt na Angelina Jolie kubera gatanya

Yanditswe kuya 21-10-2016 saa 12:16' na IGIHE


Icyamamare muri sinema Brad Pitt yanze gusinya impapuro zigomba gushyikirizwa urukiko yemeza ko atandukanye burundu n’uwahoze ari umugore we Angelina Jolie.

Angelina Jolie ni we wabanje gutanga ikirego bwa mbere asaba gatanya n’umugabo we Brad Pitt ndetse byemejwe n’umunyamategeko we, Robert Offer wanamufashije kwandika impapuro zigaragaza impamvu atagikeneye kubana n’uyu mugabo.

Kuwa 19 Ukwakira 2016 nibwo Brad Pitt yakagombye kuba yaragejeje mu rukiko impapuro zemeza ko ubusabe bwa Angelina Jolie bufite ishingiro ndetse na we akemeza ko batandukanye mu buryo bwa burundu.

Brad Pitt yavuze ko adashobora kwandikira urukiko arusaba gutandukana n’umugore we kuko ngo byagira ingaruka zikomeye ku bana babyaranye. Inshuti za hafiz a Brad Pitt na Angelina Jolie zabwiye TMZ ko uyu mugabo atigeze yifuza gutandukana na Angelina Jolie ndetse ko ‘mu byo yifuza kubwira urukiko ari uko bagomba gukomeza gufatanya kurera abana’.

Angelina Jolie wanamaze gukodesha inzu ihenze mu Mujyi wa Los Angeles aho agiye kwimukira n’abana be, avuga ko atifuza ko Brad Pitt yazagira uruhare na ruto mu burere bw’abana babyaranye ndetse ashaka ko urukiko rumwambura uburenganzira gusa akazajya yemererwa kubasura mu gihe cyagenwe.

Angelina Jolie w’imyaka 41 agiye gusiga umugabo we Brad Pitt bari bamaranye imyaka 12 bakundana. Aba bombi bari baherutse kwizihiza imyaka ibiri yari ishize barushinze none ubu byabaye amateka.

Urukundo rwa Brad Pitt w’imyaka 51 na Angelina Jolie ufite 41 rwatangiye kwamamara kuva mu 2004, ariko baza gushyingiranwa muri Kanama 2014.

Pitt yari ashyingiwe ku nshuro ya kabiri, nyuma yo gutandukana na Jennifer Aniston, mu gihe Jolie bahuye nyuma yo gutandukana n’abagabo babiri barimo Billy Bob Thornton na Jonny Lee Miller.

Bafite abana batandatu barimo Maddox, Pax, Zahara barera mu muryango ndetse na Shiloh, n’impanga Knox na Vivienne babyaye.

Inzu Angelina Jolie agiye kwimukiramo


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved