Kwamamaza

Ibyihariye mu ijoro ryatangiwemo ibihembo bya MTV Video Music Awards (Amafoto-Video)

Yanditswe kuya 29-08-2016 saa 10:05' na Munyengabe Murungi Sabin


Ibihembo ngarukamwaka bya MTV Video Music Awards byatanzwe mu ijoro ryo kuri iki Cyumweru tariki ya 28 Kanama 2016 mu birori bikomeye byabereye kuri Madison Square Garden mu Mujyi wa New York.

Ni ku nshuro ya 33 ibihembo MTV Video Music Awards byatanzwe, umuririmbyi Beyonce ni we watahanye ibihembo byinshi aho yari ahatanye mu byiciro 11 ariko abasha gutsinda birindwi birimo na Video y’umwaka ndetse na Video nziza yakozwe n’umuhanzi w’umugore.

Abahanzi barimo Beyoncé, Rihanna, Britney Spears, Future ,Nick Jonas, Ariana Drande na Nicki Minaj, Kanye West n’abandi. Umuraperi Kanye West yavuze ijambo ryatunguye benshi aho yahamije ko mu ubwe ari mu bantu afataho icyitegererezo ndetse ngo na Kim Kardashian amureberaho mu kubaka ubuzima bwe.

Mu bantu baha Kanye West intekerezo nziza zo kugera ku ntsinzi harimo Truman, Ford, Hughes, Disney, Jobs na West[Kanye West na Kim Kardashian West].

Rihanna yaririmbye indirimbo ze zakunzwe nka "Rude Boy," "What’s My Name", "Work," "Needed Me," "Pour It Up", "Bitch Better Have My Money" ndetse na "Stay” yakoze benshi ku mutima. Yanahawe igihembo gikomeye cya Michael Jackson Video Vanguard Award.

Iki gihembo Rihanna yagishyikirijwe na Drake banugwanugwaho kuba mu rukundo. Uyu muraperi yavuze ijambo ryatumye benshi bahamya ko akundana na Rihanna by’ukuri aho yagize ati “…Atsinze kuko hari ibyo yakoze bitakozwe n’undi muhanzi muri uru ruganda, yabaye uwo ari we.”

Drake w’imyaka 29 yongeyeho ati “Namukunze kuva mfite imyaka 22 y’amavuko. Ni umwe mu nshuti zanjye z’imena muri iyi si.”

Igihembo Rihanna yahawe yagituye abo ku ivuko i Barbados, ati “Ni icy’umuryango wanjye, ni icy’abafana, ni icy’igihugu cyanjye n’ibirwa bya Caraïbes muri rusange, ni icy’abagore birabura.”

Rihanna kandi yatwaye igihembo cya Best Male Video mu ndirimbo "This Is What You Came For" yakoranye na Calvin Harris. Igihembo bagishyikirijwe na Alicia Keys wabanje kuvuga umuvugo.

Beyonce wegukanye ibihembo byinshi yari yambaye ikanzu nziza yakozwe n’umuhanzi w’imideli ukomeye mu Butaliyani Francesco Scognamiglio. Umukobwa we Blue Ivy yari yambaye ikanzu y’agaciro yaguzwe amadolari ibihumbi 11[akabakaba miliyoni icyenda z’amafaranga y’u Rwanda].

Abahanzi Jack Lawless, left, JinJoo Lee, Cole Whittle ndetse na Joe Jonas bibumbiye muri DNCE bahawe igihembo cy’umuhanzi mushya mu gihe itsinda ry’abakobwa bagize Fifth Harmony batwaye igihembo cya Best collaboration binyuze mu ndirimbo yabo "Work From Home".

Urutonde rw’abegukanye ibihembo:

Song of the summer: Fifth Harmony, "All in My Head (Flex)."
Video of the year: Beyonce, "Formation."
Female video: Beyonce, "Hold Up."
Male video: Calvin Harris feat. Rihanna, "This is What You Came For."
Hip-hop video: Drake, "Hotline Bling."
Collaboration video: Fifth Harmony feat. Ty Dolla $ign, "Work from Home."
Breakthrough long-form video: Beyonce, "Lemonade"
New artist: DNCE
Art direction: David Bowie, "Blackstar."
Choreography: Beyoncé, "Formation" (Chris Grant, Jaquel Knight, Dana Foglia)
Direction: Beyoncé, "Formation" (Melina Matsoukas)
Cinematography: Beyonce, "Formation" (Malik Sayeed)
Editing: Beyonce, "Formation" (Jeff Selis)
Visual effects: Coldplay, "Up & Up" (Vania Heymann, Gloria F X)

Britney Spears yaririmbye indirimbo ye nshya "Make Me Move,"
Drake yavuze ko yakunze Rihanna kuva muri 2005
Beyonce Knowles yaririmbye muri ibi birori
Beyonce n'umwana we bari bambaye amakanzu ahenze cyane
Andrew Taggart wo muri The Chainsmokers na Halsey mu ndirimbo "Closer"
Beyonce n'abo mu miryango y'abaherutse kuraswa Mike Brown, Trayvon Martin, Eric Garner
Fifth Harmony batwaye igihembo cya best collaboration
Nick Jonas afata ifoto y'urwibutso n'abafana
DNCE yatwaye best new artist
Beyonce yatahanye ibihembo birindwi
Fifth Harmony
Sean Combs ni we washyikirije Drake igihembo cya best hip-hop video ["Hotline Bling"]
Kanye West yavuze ijambo ryatangaje benshi
Future yaririmbye iyitwa "[Expletive] up Some Commas"
Alicia Keys yashyikirije Rihanna na Calvin Harris igihembo cya Best Male Video ku bw'indirimbo "This is What You Came For"
Ariana Grande na Nicki Minaj baririmba 'Side to Side'
Calvin Harris
Rihanna yashimishije benshi
"Hotline Bling" ya Drake yatwaye igihembo

Drake na Rihanna


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved