Hasohotse igitabo gihishura ibya Adele wakuze ashaka kuba umuganga ubaga imitima

Yanditswe na Dusabimana Aimable
Kuya 18 Werurwe 2017 saa 11:29
Yasuwe :
0 0

Umwanditsi ukomeye mu Bufaransa witwa Véronique Chalmet yahishuye bimwe mu bitaravuzwe ku rugendo rwa Adele mu muziki n’uburyo yifuje kuba umuganga ubaga bikarangira atabigezeho.

Muri iki gihe Adele ukomoka mu Bwongereza ni umwe mu bahanzi bakomeye kandi bakunzwe mu bihugu byinshi ku Isi, abikesha zimwe mu ndirimbo ze zakunzwe cyane nka “Hello”, “When We Were Young”, “Send My Love” n’izindi zitandukanye.

Mu gitabo gishya cyasohotse cy’umwanditsi Véronique Chalmet yise “Hello, it’s me, Une vie d’Adele” hagaragajwe bimwe mu bitarakunze kugarukwaho mu itangazamakuru bijyanye n’ubuzima bwihariye bw’umuririmbyi Adele, uburyo yifuzaga kuzaba inzobere mu kubaga, impamvu yabyo n’ibindi bitandukanye.

Mu biganiro umwanditsi w’icyo gitabo yagiye agirana na Adele hari aho uyu muhanzi yavuze ko yakuze ashaka kuba umuganga by’umwihariko uzobereye mu kubaga biturutse ku rupfu rwa sekuru wishwe n’indwara z’umutima, yagize ati “Ubundi nifuzaga kwita ku mitima y’abantu.”

Adele yasobanuye uko yaje kujya mu bijyanye n’umuziki avuga ko mu gihe yari atangiye kubyiruka yaje kumva uburyohe mu bwihariye mu muziki n’abasore iby’ubuganga bimuvamo ubwo, ati “Ibijyanye n’amasomo y’ubumenyamuntu nahise nyashyira ku ruhande, icyo gihe umutima ntiwari ukiri aho”.

Adele ngo nubwo atabaye umuganga yemeza ko indirimbo ze zakoze ku mitima ya benshi

Adele yasobanuye ko nubwo atabashije kwiga amashuri yashoboraga gutuma aba umuganga akita ku barwayi b’umutima kuri ubu abafasha akoresheje impano yisanzemo y’umuziki, mu bafashwa n’ibihangano bye ngo harimo na nyina wafashijwe cyane n’indirimbo ye yitwa “Someone Like You” iri mu zatumye amenyekana.

Adele yize umuziki ku ishuri ryo mu Bwongereza ryitwa Brit ahabwa impamyabumenyi muri 2006 ari nacyo gihe yahise atangirira gukora umuziki. Yiganye n’abandi bahanzi bakomeye mu Bwongereza barimo Jessie J. na Leona Lewis. Magingo aya Adele amaze gucuruza kopi za album zirenga miliyoni 65 kuva yatangira gukora umuziki.

Iki gitabo gihishura byinshi ku buzima bwa Adele

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244