Eddy Kenzo yongeye gukora mu jisho mukeba we Bebe cool

Yanditswe na IGIHE
Kuya 18 Werurwe 2017 saa 10:53
Yasuwe :
0 0

Abakeba b’igihe kinini Eddy Kenzo na Moses Ssali [Bebe Cool] bongeye kugira amakimbirane aturutse ku magambo umwe yavuze atega iminsi mugenzi we nyuma y’agahenge kari kamaze iminsi hagati yabo.

Aba bahanzi bombi barakomeye muri Uganda ndetse barubashywe cyane. Mu muziki bakora bagiye bagirana amakimbirane yakajije umurego mu mwaka wa 2015 ubwo Bebe Cool yavuze ko Eddy Kenzo ‘ari umwana ukiri kuzamuka bityo nta kinyamakuru cyangwa umufana ukwiye kubagereranya’, ibintu byateje impagarara mu bafana batuka uyu muhanzi.

Kubera amahari aba hagati yabo, Bebe Cool na Eddy Kenzo ntawe ucira undi akari urutega, bahora bifurizanya inabi.

Mu buryo busa no kwihorera ariko anatega iminsi umukeba, Eddy Kenzo yashimangiye ko Bebe Cool ‘adakwiye kujya mu bandi bagabo agafata ijambo kuko akibunza akarago’. Yavuze ko uyu muhanzi ukunda kwiyita Big Size adakwiye kwigereranya na we ‘kuko yananiwe kuzuza inzu yise ‘Byafaayo’ House amaze imyaka icyenda yubaka mu gace ka Kiwatule.

Ikinyamakuru Red Pepper cyatangaje ko Edirisa Musuuza[Eddy Kenzo] yibasiye Bebe Cool amubwira ko adakwiye kumwigereranyaho kuko we ngo afite inzu ye bwite abamo mu gihe undi agihangana no gukodesha.

Iyi nzu Bebe Cool afite muri Kiwatule yatangiye kuyubaka mu mwaka wa 2008, kuva icyo gihe kugeza ubu yanze kuzura ari nabyo Eddy Kenzo ngo yahereyeho avuga ko ‘Bebe Cool ari umugabo utishoboye’.

Iki kinyamakuru cyanagarutse ku bukene buvugwa kuri Bebe Cool muri iyi minsi mu gihe mu mwaka wa 2016 yahawe amafaranga y’umurengera mu bikorwa byo kwamamaza Perezida Museveni. Imodoka nziza yo mu bwoko bwa DMC Mercedes Benz uyu muhanzi agendamo nayo ngo ifite ibibazo bikomeye kuko akenshi iba yagiye mu igaraji.

Eddy Kenzo yaherukaga kwibasira mukaba we muri Mata 2016 ubwo yatumiwe mu kiganiro The Beat gica kuri Televiziyo ya NTV, atuka Bebe Cool aramwandagaza amuryoza kuba yari ashyigikiye Perezida Museveni bikarakaza igice kinini cy’abafana.

Icyo gihe Kenzo yavuze ko abahanzi banze gushyigikira Dr. Kiiza Besigye mu matora, ibitaramo byabo bizagaragaza ko batishimiwe na rubanda ndetse ngo bazagira inkurikizi mbi.

Iyi nzu ngo Bebe Cool yatangiye kuyubaka mu mwaka wa 2008

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244