Kwamamaza

Eddy Kenzo yagaragaje ikimenyane ashinja abateguye MTV MAMAs

Yanditswe kuya 24-10-2016 saa 08:57' na Munyengabe Murungi Sabin


Umuhanzi wo muri Uganda, Edrisa Musuuza[Eddy Kenzo] yikomye mu buryo bukomeye abateguye ibihembo bya MTV Africa Music Awards, arabashinja gukoresha ikimenyane no kumurenganya nkana.

Ibihembo bya MTV MAMAs biherutse gutangirwa mu Mujyi wa Johannesburg muri Afurika y’Epfo mu ijoro ryo kuri uyu wa Gatandatu tariki ya 22 Ukwakira 2016. Eddy Kenzo wamamaye mu ndirimbo Sitya Loss nta gihembo yabonye mu cyiciro yari arimo.

Afurika y’Uburasirazuba yari ihagarariwe n’abahanzi barimo Diamond, Raymond wa WCB, Vanessa Mdee, Yamoto Band, Ali Kiba, Sauti Sol, Eddy Kenzo, Bebe Cool na Meddy. Itsinda rya Sauti Sol ni ryo ryabashije kwegukana igihembo.
Aba bahanzi bose bamaze gutsindwa bashimiye bagenzi babo bahawe ibihembo banagaragaza ko ‘nta gahunda yo gucika intege ihari ndetse ko bagiye gukomeza gukora cyane mu kwamamaza umuziki wa Afurika y’Uburasirazuba ku Isi’.

Eddy Kenzo wo muri Uganda yagaragaje byeruye ko atishimiye na gato uburyo ibihembo byatanzwe kuko ngo ‘hakoreshejwe ikimenyane no kwirengagiza ukuri’. Yanditse kuri Instagram agaragaza ko mu cyiciro yari ahatanyemo cya ‘Best Live Act’ uwagihawe Cassper Nyovest (South Africa)
atamurushije gukora cyane.

Yavuze ko no mu ibarura ry’amajwi y’ibyo abafana batoye kuri internet bigaragara ko Eddy Kenzo yarushije abandi nyamara bikarangira bamwimye igihembo.

Ati “Ndi ambasaderi wa Airtel kandi MTN ni umuterankunga wa MAMAs n’uwatsinze mu cyiciro cyanjye ni ambasaderi wa MTN muri Afurika y’Epfo. [Araseka] mwibuke ko naririmbiye mu bihugu birenga 35, icumi muri byo naririmbiraga muri stade yuzuye, ikindi ni iki?”

“Batubwiye gutora kandi abafana banjye barabikoze banyuze mu buryo bwose MTV Base Africa yashyizeho, unarebye kuri #BestLiveAct wakwibonera uwatsinze. Ntabwo ari ishyari ndi kuzana hano ariko ndi kugaragaza akarengane kuko bari batubwiye ko hazakurikizwa amatora kandi abafana bahisemo ubikwiye.”

Yongeyeho ati “Ongera urebe ubutumwa banditse hano hasi, banabyanditse muri E-mails. Nari uwa mbere watowe cyane mu cyiciro cyanjye, nukanda kuri #BestLive Act urabona amanota, Stonboy yari uwa kabiri, Flavour uwa Gatatu naho Caspa aba uwa kane […] Ntabwo numva icyo gutora mwavuze bisobanura. Nshimiye abafana banjye bose ku rukundo mwanyeretse, Imana ihe umugisha imirimo y’ibiganza byanyu.”

Muri iki cyiciro Eddy Kenzo yari ahatanye n’abahanzi bane barimo Cassper Nyovest (South Africa), Flavour (Nigeria), Mafikizolo (South Africa) na Stonebwoy (Ghana).

Eddy Kenzo yavuze ko yarenganyijwe muri ibi bihembo

Uko ibihembo byatanzwe

Artist of the Year: Wizkid (Nigeria)

Best Male: Wizkid (Nigeria)

Best Female: Yemi Alade (Nigeria)

Best Group: Sauti Sol (Kenya)

Best Breakthrough Act: Tekno (Nigeria)

Best Live Act: Cassper Nyovest (Afurika y’Epfo)

Best Francophone: Serge Beynaud (Cote d’Ivoire)

Best Lusophone: C4 Pedro (Angola)

Best Pop / Alternative: Shekinah & Kyle Deutsch (Afurika y’Epfo)

Best Hip Hop in association with MTN: Emtee (Afurika y’Epfo)

Song Of The Year in partnership with Google:“My Woman, My Everything” Patoranking feat. Wande Coal (Nigeria)

Listener’s Choice Award: Jah Prayzah (Zimbabwe)

Video of the Year: “Niquer Ma Vie” – Youssoupha (Congo)

Personality of the Year in association with DStv: Caster Semenya (Afurika y’Epfo)

Legend Award: Hugh Masekela

Best Collaboration in partnership with ABSOLUT: DJ Maphorisa feat. Wizkid & DJ Buckz – “Soweto Baby” (Afurika y’Epfo /Nigeria)

Africa Re-Imagined Award: Vivian Onano & Mary Taedzerwa

Best International Act: Drake (USA)

Diamond na Eddy Kenzo nta gihembo babonye
Wizkid yabaye umuhanzi w'umwaka muri MAMAs

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved