Kwamamaza

Diamond yeretse ikimenyetso abamushinja kubeshya ko yaguze inzu i Pretoria

Yanditswe kuya 26-10-2016 saa 16:10' na IGIHE


Diamond Platnumz yasuye inzu nshya aherutse kugura muri Afurika y’Epfo anaca intege abamushinja kwiyitirira imitungu adafite n’abivanga mu rukundo rwe na Zari Hassan.

Mu binyamakuru bitandukanye muri Tanzania hacicikanaga inkuru zivuga ko Diamond yibeshyeye ko yaguze inzu y’akataraboneka mu Mujyi wa Pretoria agamije gushakisha icyatuma itangazamakuru rimuvugaho.

Diamond yatangaje bwa mbere ko yaguze iyi nzu kuwa 23 Nzeri 2016 ku isabukuru y’amavuko ya Zari Hassan [Mama Tiffah]. Uyu muhanzi yanditse ubutumwa burebure yifuriza umunsi mwiza umugore we ari nabwo yavuze ko ‘amukunda bikomeye’ bitandukanye n’inkuru zavugaga ko batabanye neza.

Yikomye bikomeye ‘abirirwa ku mbuga nkoranyambaga bamutuka bakigamba ubukire n’imitungo ikomeye ko bibeshya cyane’. Yaberetse inzu nshya yaguze muri Afurika y’Epfo mu gihe abo birirwa bamutuka bagiye kuzasazira mu bukode.

Nyuma yo kwivuga ibigwi ko abanye neza n’umugore ndetse ko baguze inzu ihenze cyane i Pretoria, itangazamakuru ryakemanze uyu muhanzi ndetse bimwe mu binyamakuru byandikirwa iwabo binyomoza ko nta nzu yaguze muri Afurika y’Epfo ari nacyo cyatumye abatavuga rumwe n’uyu muhanzi bakoresha imbuga nkoranyambaga bavuga ko ‘iyo nzu ashobora kuba yarayibonye mu nzozi’.

Diamond aherekejwe n’umugore we Zari n’inshuti ze bakorana muri WCB Records, basuye iyi nzu banayitembera afata amashusho agaragaza imiterere yayo. Yashyize aya mashusho kuri Instagram yandikaho ubutumwa bunyomoza abavuze ko yabeshye.

Diamond yagize ati “Niba utari ubizi, ndakumenyesha ko ari inshuro ya mbere mbonye inzu yanjye kuva nayigura mu kwezi gushize […] Mu by’ukuri byanshimishije, kuyibona byanteye kwishima cyane. Nishimiye umugore wanjye Zari kuko yambereye umuyobozi mwiza mu rukundo n’ubuzima bwacu…”

Iyi nzu ngo Diamond yayiguze miliyoni 400 z'amashilingi ya Tanzania

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved