Kwamamaza

Cindy yasobanuye iby’umusore bamaze iminsi bahararanye

Yanditswe kuya 17-10-2016 saa 16:50' na IGIHE


Umuririmbyi Cindy Sanyu wo muri Uganda aravugwaho kuba mu rukundo n’umusore mushya nyuma ya Kenneth Muyisa batandukanye bitegura kurushinga yaranamaze gutanga inkwano.

Cindy na Kenneth Muyisa bakundanye mu gihe cy’umwaka batandukana muri Gicurasi 2015. Babanaga mu nzu gusa bakigirana amakimbirane Cindy yaramutorongeje anasaba umuryango ko ‘usubiza inkwano yatanze’.

Mu byumweru bibiri bishize mu binyamakuru bya Uganda hacicikanagamo inkuru yashimangiraga ko Cindy yabonye umusore mushya asimbuza Kenneth Muyisa. Cindy n’uyu musore ngo bahuriye muri Leta Zunze Ubumwe za Amerika mu minsi ishize ubwo yari yatumiweyo gukora igitaramo.

Inkuru zatangajwe zishimangira ko Cindy na Adam Lubega alias Chris Adams bari mu rukundo ndetse ko umusore yiteguye kujya muri Uganda kwiyereka umuryango w’uyu muhanzi.

Cindy uzwi mu ndirimbo ‘Ndi Mukodo’ yaganiriye na Chimp Reports anyomoza izi nkuru avuga ko atari mu rukundo na Adam Lubega nk’uko itangazamakuru ribivuga ahubwo ko ari inshuti zisanzwe kandi ko nta ngingo y’urukundo baravugaho.

Yagize ati “Biragoye cyane iyo abantu bavuze ko uri mu rukundo n’inshuti yawe kuko ntiwavuga ngo ‘Ntabwo dukundana’. Mu by’ukuri uba umukunda ariko bitandukanye n’uko abantu babitekereza.”

Urukundo rwa Cindy na Lubega rwavuzwe cyane biturutse ku mafoto bombi bashyiraga ku mbuga nkoranyambaga bisa nk’aho bafite ikintu bahuriyeho kidasanzwe.

Cindy avuzweho gukundana na Lubega nyuma yo gutandukana n’umugabo witwa Kenneth. Uyu bakundanye amwambuye undi mugore witwa Phinah Mugerwa bari bafitanye umwana w’umuhungu witwa Sandton.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved