Ciara n’umugabo we Russell baritegura kwibaruka

Yanditswe na Munyengabe Murungi Sabin
Kuya 24 Ukwakira 2016 saa 07:45
Yasuwe : XX
0

Umuririmbyi Ciara Princess Harris [Ciara] n’umugabo we mushya Russell Wilson bari mu byishimo bikomeye aho biteguye kwibaruka umwana wabo wa mbere nyuma y’amezi atatu barushinze.

Ciara w’imyaka 30 na Russell Wilson wa 27, basezeranye kuwa 6 Nyakanga 2016 nyuma y’umwaka n’amezi make ashize bakundana.

E!News itangaza ko umuhanzi Ciara agiye kubyara ndetse ko hari amakuru yemeza ko yatangiye kwitegura umwana wa mbere Russell. Ni umwana wa kabiri Ciara agiye kubyara nyuma y’umuhungu afitanye n’umuraperi Future wahoze ari umugabo we, Russell Wilson we nta mwana arabyara.

Inshuti y’uyu muhanzi yabwiye E!News ko “Ciara atwite kandi yishimiye cyane kwitwa umubyeyi. Na Russell yishimiye cyane umwana bagiye kubyara ndetse yifuza ko babyarana abana babiri cyangwa batatu, bombi barashaka umuryango mugari.”

Mu kiganiro aherutse kugirana na E!News, Russell Wilson yavuze ko akunda abana cyane ndetse afite amashyushyu yo kuzabona umuryango we na Ciara waguka. Yagize ati “Nkunda abana cyane, kandi na we[Ciara] arabakunda.”

Aba bombi ni ibyamamare, Ciara ni umuririmbyi ukomeye naho Russell akaba umukinnyi ukomeye wa ruhago muri Amerika. Baherutse gutangaza ko kuva bakundana birinze mu buryo bukomeye icyatuma bakorana imibonano mpuzabitsina kugeza umunsi barushingiyeho.

Ciara na Russell bamaze amezi atatu barushinze, ni ubwa kabiri uyu mugore akoze ubukwe nyuma yo gutandukana n’umuraperi Future bamaze iminsi bageretse mu nkiko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza