Kwamamaza

Chris Brown yasohoye video yemeza urugendo rwe i Mombasa

Yanditswe kuya 29-09-2016 saa 10:54' na IGIHE


Umuhanzi w’ikirangirire ku Isi Christopher Maurice[Chris Brown] yemeje ko agiye kuza muri Kenya mu Mujyi wa Mombasa kuhakorera igitaramo gikomeye azaririmbanamo na Wizkid wo muri Nigeria.

Iki gitaramo cyiswe ‘Music Festival’ kizabera mu Mujyi wa Mombasa ahitwa Nyali Golf club mu cyumweru gitaha kuwa Gatandatu tariki ya 8 Ukwakira 2016.

Chris Brown ukunzwe cyane iwabo muri Amerika no mu bihugu bitandukanye, yasohoye amashusho avuga ko ‘yiteguye urugendo azakorera muri Afurika y’Uburasirazuba mu Mujyi wa Mombasa’. Yijeje abafana bamutegereje ko azakora igitaramo kidasanzwe.

Yagize ati “Yoyo 001, Mombasa Kenya, mfite amashyushyu yo kuza aho. Kenya tugiye kubikora, ku itariki ya 8 Ukwakira mukore uko mushoboye muzahaboneke, mukore ibishoboka mwitegure kuko tuzakora ibirori, murakoze.”

Chris Brown utegerejwe n’abantu ibihumbi bakunda umuziki muri Kenya azaririmbira ahitwa Nyali Golf club, azaba aherekejwe na Wizkid uherutse kuza mu Rwanda. Aba bahanzi bombi basanzwe banafitanye indirimbo ikunzwe yitwa ‘Shabba’. Iyi irimo abandi bahanzi Trey Songz na French Montana.

Igitaramo cyateguwe na Mombasa Rocks, gitegerejwemo abantu babarirwa mu bihumbi birenga ijana, kwinjira ni ukwishyura amashilingi 10,000 ahasanzwe mu gihe mu myanya y’icyubahiro ari amashilingi 20,000 naho mu y’icyubahiro cy’ikirenga bigasaba 50,000.

Chris Brown agiye gukorera igitaramo muri Kenya nyuma y’iminsi mike Trey Songz avuye muri Coke Studio Africa mu Mujyi wa Nairobi.

Chris Brown yijeje abazaza kumureba i Mombasa ko bazabona igitaramo cyihariye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved